VSU, finalist sa ‘Ani at Kita’ National Dance Video Contest
Nakasulod sa final round ang entry sa Visayas State University VSU sa ‘Ani at Kita” National Dance Video Contest nga gipasiugdahan sa Department of Agriculture Regional Field Office sa SOCCSKSARGEN Region.
Napili ang VSU, pinaagi sa Institute of Human Kinetics, isip usa sa siyam ka mga finalists gikan sa kwarentay otso ka mga entries sa tibuok nasud nga misalmot sa kumpetisyon.
Ang videos sa Final 9 i-upload sa Agri Tayo SOCCSKSARGEN Youtube Channel. Nunot niini, gidasig ang VSU community nga mutan-aw ug mu-like sa maong video tungod kay usa kini sa basehan sa mga mananaog.
Ang Champion sa “Ani at Kita” dance video competition makadawat og P20,000, plake ug Ani at Kita shirt. Samtang makadawat og P10,000, plake ug t-shirt ang first runner up, P5,000, plake, ug t-shirt ang second runner up, ug consolation prize nga P2,000 ug certificates sa wala kadaog.
