VSU DYDC-FM NAGPAHIGAYON OG MOA SIGNING TALI SA RADYO PILIPINAS SOGOD, UG TRAINING WORKSHOP ALANG SA MGA AFFILIATE UNITS

Nagkahiusa ang VSU DYDC-FM ug ang Radyo Pilipinas Sogod pinaagi sa pagsilyo sa usa ka Memorandum of Agreement sa gipahigayon na MOA signing sa VSU niadtong Septyembre 12, 2023.

Tumong sa maong MOA signing ang pakigtambayayong sa DYDC-FM sa Radyo Pilipinas sa paghatod og mga programa sa kahanginan na may kalabutan sa kalambuan, ug aron kini mapaabot usab dili lang sa dakbayan sa baybay kundi apil na ang mga pamiminaw sa Southern Leyte.

Misalmot sa maong MOA signing ang Head sa Department of Development Communication na si Dr. Christina A. Gabrillo , OIC-Station Manager sa DYDC na si Mikaela Gongora, Broadcast Production Head Ria Micate, ug Radyo Pilipinas Sogod Station Manager Dindo Alaraz. Pinaagi sa maong konkesyon sa DYDC ngadto sa Radyo Pilipinas, mahimo nang mabati ang mga programa sa kalambuan nga ihatod sa mga nagkadilain na mga expert ug scientests sa VSU sa natad sa agrikultura ug uban pang mahinungdanong sektor.

Tipik usab sa maong kalihokan ang gipahigayon na Training workshop alang sa mga affiliate units sa VSY DYDC-FM diin sila nakat-on sa mga basic radio formats ug gitudluan sa mga pamaagi sa pagdumala sa ilang mga programa sa radyo. Ang mga misalmot nga partisipante naglangkob sa mga representate gikan, sa Philippine Rootcrops Research and Training Center, National Coconut Research Center (NCRC), National Abaca Reseacrh Center (NARC), Institute of Strategic Research and Development Studies (ISRDS),  Department of Agribusiness, College of Nursing, Department of Animal Science, Graduate school, ug ubang pang units sa VSU.

Isip parte sa ilang workshop activity, gipahimo ang mga partisipante og program schedule plan aron mahan-ay ang ilang program topics ug mamintinar ang  padayun na pagsibya nila sa radio sa DYDC.

Angayang masayran nga ang hiniusang programa sa kalambuan sa mga research centers ug colleges pagatawgon nga “Techtalk” diin kini magsibya og mga mahinungdanong impormasyon sa teknolohiya ug uban ang mga developmental topics gikan sa matag units. Mamahimong mabati ang official launching sa developmental program nga Techtalk sa DYDC matag adlaw alas 2 hangtod alas 3 sa hapon sugod sa Oktubre

.