NewsNews

VSU, striktong nagpatuman sa pagsul-ob og face shield ug face mask

Gisugdan na karong adlawa, Marso baynte dos ang hugtanong pagpatuman dinhi sa Visayas State University VSU sa pagsul-ob sa face mask ug face shield sa mga siradong lugar ug buhatan sa tunghaan.

Kini agi’g pagsunod sa Section 1, sa Executive Order No. 100 nga giluwatan sa Local nga Kagamhanan sa Dakbayan sa Baybay niadtong Marso dise otso. Matud pa, kinahanglan nga musul-ob og face mask ug face shield ang tanan nga musulod sa mga opisina, buildings, ug mga enclosed spaces.

Sigun pa sa Memorandum Circular Number 29 nga gipagawas sa Office of the VSU President, walay tawo nga pasudlon sa mga establisimyento, opisina, building, VSU Market o makasakay sa TUYOK service kung wala nagsul-ob og face mask ug face shield.

Gimando-an usab ang mga opisina nga magbutang og “NO FACE MASK & FACE SHIELD, No ENTRY” nga signage sa mga entry points niini agi’g pagpasabot sa tanan ng musunod sa executive order. Kahinumduman nga gipagawas ang pinaka-uwahing EO sa dakbayan human sa pipila ka mga panagpulong sa City Inter-Agency Task Force for the Management of Emerging Infectious Diseases. Kini agi’g pagtubag sa Resolution 101 sa National IATF nga haom sa panginahanglan ug sitwasyon sa dakbayan sa Baybay.