Disaster Management Training, gipahigayon atol sa Anibersaryo sa Yolanda

Dungan sa paghinumdom sa ika-walo nga anibersaryo sa pag-igo sa Bagyong Yolanda niadtong Nobyembre otso, gipahigayon dinhi sa lungsod sa Merida ang lima ka adlaw nga Community-based Disaster Risk Reduction and Management Training/Workshop.

Ang maong training/workshop gipanguluhan sa Merida Disaster Risk Reduction Management Office (MDRRMO) diin nakigkoordinar usab kini sa Merida Liga ng mga Barangay.

Gitudlo sa mga partisipante ang mga pamaagi sa first-air ug basic life support sama sa Cardiopulmonary resuscitation kun CPR ug Automated external defibrillators kun AED.

Gipahigayon ang maong kalihokan didto sa IMO Beach Resort sa Brgy, Lamanoc, Merida, Leyte.

Tumong sa maong kalihokan mao ang pagsiguro nga ang matag usa makahibalo sa angay’ng buhaton sa panahon nga naay emerhensya nga giatubang. Kahinumduman nga niadtong Nobyembre otso tuig dos mil trese, mingkuso-kuso sa nasud ang Supertyphoon Yolanda — ang pinakakusog nga bagyo nga ming-igo sa kasaysayan sa Pilipinas — diin libo-an ka mga tawo ang namatay.

Nasayran nga mabungahong nahuman ang training workshop niadtong Nobyembre dose ning tuiga. (Jelyn D. Tumulak/DYDC-FM Intern)