President Tulin, naay maayong balita alang sa mga Viscans
Nangulo si Visayas State University VSU President Dr. Edgardo E Tulin ganinang buntag sa ceremonial flag raising event kauban ang mga international partners ning tunghaan.
Dungan niini, gi-anunsyo sa presidente nga ablihan na ang campus alang sa full face-to-face classes sugod sa Mid Year sa Academic Year 2021-2022.
Kini nagpasabot nga tanang mga estudyante nga magkuha sa ilang mid-year classes mahimo na’ng makasulod sa tunghaan tungod kay mas nagkagaan ang sitwasyon sa COVID-19 sa nasud.
Dugang pa, gisiguro ni Dr. Tulin nga ang VSU andam na alang sa subling pagbalik sa full face-to-face classes sa umaabot nga Septembre dose ning tuiga. Mahimo na usab nga face-to-face ang umaabot nga graduation exercises sa buwan sa Agosto. Kini ipahigayon sa Agosto dose sa VSU Upper Oval Grounds diin gitunong pud kini sa kanhi anniversary sa Visayas State College of Agriculture kun Visca.
Ang President’s Tribute to the 2022 Honor Graduates ipahigayon sa buntag sa Agosto diyes sa RDH Hall.
Sa laing bahin, ang mga component campuses magpahigayon sa ilang graduations nga mas sayo sa VSU Main Campus. Ang Villaba nak-schedule sa August 2, Isabel sa August 5, Alang-alang sa August 8 ug Tolosa sa August 9. (Orihinal nga sinuwat ni Ulderico B. Alviola)
