Regional RDE Symposium, gipahigayon sa VSU
Kasamtangang gipahigayon dinhi sa Visayas State University ang 32nd Visayas Consortium for Agriculture, Aquatic and Resources Program – Regional Research and Development/Extension Network kun ViCAARP-RRDEN Regional RDE Symposium.
Gisugdan ang duha ka adlaw nga online symposium kagahapon, Marso baynte tres ug gilaumang mahuman kini karong adlawa Marso baynte kwatro. Gisalmutan ni Dr. Angel C. Enriquez, Regional Executive Director sa Department of Agriculture Region 8 ang opening program kagahapon diin naghatag siya sa iyang keynote speech.
Muabot sa 201 ka mga partisipante gikan sa nagkadaiyang consortium ug member institutions sa Silanganang Kabisay-an ang mingtambong sa maong symposium.
Sa iyang menshahe, gibutyag ni VSU President Dr. Edgardo Tulin ang importanteng papel sa ViCAARP-RRDEN sa rehiyon aron sa padayong pagpalambo sa natad sa sektor sa agriculture, aquatic, forestry, and natural resources hilabi na sa panahon sa COVID-19 Pandemic.
Angayang masayran nga tumong sa maong symposium nga ipasundayag ug hatagan og pasidungog ang mga maayong panuki-duki kun research sa natad sa agriculture, aquatic, and natural resources.
