Gender and Development Symposium on HIV/AIDS Awareness for LGBTQ+, nagmalampuson – DYDC 104.7 FM
NewsNews

Gender and Development Symposium on HIV/AIDS Awareness for LGBTQ+, nagmalampuson

HINDANG, Leyte – Malapuson nga gipahigayon ang Gender and Development kon (GAD) Symposium on HIV/AIDS Awareness for LGBTQ+ niadtong Disyembre trese sa milabay’ng tuig sa Brgy. Bontoc, Hindang, Leyte. Gipahigayon ang panagpulong sa covered court sa maong barangay diin nagsugod kini alas nuebe sa buntag ug nahuman sa alas dose sa udto.

Ang resource person sa maong symposium mao si Dr. Josephine Zafico, municipal health officer sa lungsod sa Inopacan, Leyte diin ang maong kalihukan gi-organisa sa Municipal Social Welfare and Development (MSWD) Office sa lungsod sa Hindang. Kini pinangulohan ni Ms. Georma Cavero spearhead sa MSWD, kauban ang health personnel ug ang LGU officials sa gihisgutang lungsod.

LGBTQ+ flag

Si Ms. Cavero namahayag nga ang pinaka tumong sa maong kalihukan dili lamang aron madungagan ang kaalam alang sa LGBTQ+ community, kun dili malakip usab sila sa pagpakatap sa kasayuran kabahin sa paglikay sa HIV/AIDS.

Dugang pa ni Ms. Cavero ang maong kalihukan gitambungan sa kwarentay dos (42) ka mga miyembro sa LGBTQ+ community o ang gitawag nga Lesbian Gays Bisexual Transgender and Queer. Kini gikan sa tag tulo ka mga representante sa nagkalain-laing barangay sa Hindang. Nahimo kini nga posible pinaagi ni Mr. Michael G. Suarez, presidente sa Hindang Yoyebels Association (Kim Christine Boja/DYDC-FM Intern)