4,000 ka slots sa COVID vaccine, gipang-apudapud karong adlawa sa Baybay City

Nagpadayon na ang vaccination sa Baybay City Gym diin adunay kuwatro mil (4,000) ka mga SLOTS ang mahimong pahimuslan karong adlawa, Oktubre baynte dos. Busa, gi-awhag ang mga interesado nga magpabakuna sa pag-adto na sa Baybay City Gym. 

Gisugdan ang pagmakuna ganinang alas siyete sa buntag ug mahuman kini karong alas siyete sa gabie diin ipatuman ang first-come-first-served nga palisiya.

Gi-awhag usab ang tanan sa pagdala og valid ID o barangay certification nga nagpamatuod nga molupyo ka sa inyong barangay. Pagdala usab og snacks ug tubig aron dili ka magutman ug ayaw kalimot sa pagsul-ob sa imong face mask ug sa pag-maintain sa social distancing sa tanan nga higayon.

Gipasabot usab ang tanan nga kon daghan pa ang mga tawo nga naglinya, mulikay lang usa pag-apil og linya aron kalikayan ang pagtapok-tapok sa daghan nga mga katawhan nga posibleng mahimong SUPER SPREADER sa virus.

Mamahimong motawag sa City Traffic Management and Terminal Office (CTMTO) aron masayran kon puwede na kang muadto sa Baybay City Gym aron magpabakuna o dili pa. Mao kini ang ilang Hotline Numbers – 0963 9629 843 o 0906 7733 999.

Kining maong pahibalo sa Local Vaccination Operation Center (LVOC) sa Lokal nga Kagamhanan sa dakbayan sa Baybay.