Pagpalig-on sa BDCP alang sa BADAC sa dakbayan sa Baybay, pagadumal-on
Mas gipalig-on pa sa lokal nga kagamhanan sa Dakbayan sa Baybay ang programa batok sa pagkatap sa ilegal nga droga sa tibuok nobentay dos ka barangay niini.
Niadtong Nobyembre dise nwebe ning tuiga gipasabot ang mga sumbanan sa Barangay Drug Clearing Program kun BDCP alang sa Barangay Anti-Illegal Drugs Abuse Council BADAC ning dakbayan,
Gipahigayon kini didtosa City Auditorium sa Legislative Building sa dakbayan nga gisalmotan usab sa mga lain-laing mga kapitan ug mga sikritari sa matag barangay. Isip pagkonsiderar sa pandemya, gibahin ang mga barangay sa lain-laing mga eskedyul kabahin sa pagpasiugda niining programa. Base sa report gikan sa Baybay City Updates, ang mga barangay sa East ug South Districts, alas otso sa buntag ang eskedyul, samtang sa ala una sa hapon ang mga barangay sakop sa North ug Poblacion nga mga distrito.
Gipatuman kini nga programa aron mapalig-on ang BADAC sa lungsod ug ma-orient sila sa mga bag-ong guidelines sa BDCP. Kini mahimong malampuson pinaagi sa tabang sa mga panudlo gikan sa mga kawani sa Philippine Drug Enforcement Agency (PDEA) nga maoy usa nga modumala sa maong programa.
