Mga menor de edad, bakunahan na sa Lungsod sa Abuyog

ABUYOG, Leyte – Nagdali-dali dayun pagparehistro si Mae Ann Entino, edad og disisiyete anyos, niadtong Nobiyembre trese diin mao ang adlaw sa sa pagpanglista sa mga interesadong menor de edad sa ipahigayong pagpangbakuna sa lungsod.

Sigun kang Mae Ann, dili makaapil sa umaabot nga face to face classes ang mga dili pa bakunado.

Aron maandam sa nagkaduol nang pag-abli sa mga tunghaan, gisugdan niadtong Nobyembre 23 ang pagpangbakuna sa mga batan-on nag-edad dose anyos hangtod dise siyete anyos gikan sa alas otso sa buntag hangtud sa udto.

Kining nahisgutang pagpangbakuna, alang lamang sa kadtong mga menor de edad nga walay comorbidities kun mga sakit.

Gipahibaw usab sa lokal nga kagamhanan sa Abuyog pinaagi sa ilahang Facebook Account nga ang mga batan-on kinahanglang ubanan sa ilahang ginikanan kun magbalantay.

Kon dili mamahimong maubanan ang menor de edad, mag andam ang mga ginikinan ug pirmadong kasulatan diin gitugutan nila ang bata nga magpabakuna.

Human sa pagpamakuna niadtong Nobyembre baynte tres, gipadayon pa usab ang pagpangbakuna sa mga batan-on niadtong Nobiyembre 25 ug 26. (Maryjane Cubian/DYDC-FM Intern)