Galamiton sa pangluto, gipang apod-apod sa mga piniling manindahay sa Merida – DYDC 104.7 FM
NewsNews

Galamiton sa pangluto, gipang apod-apod sa mga piniling manindahay sa Merida

MERIDA, Leyte – Gipanghatagan og mga galamiton sa pagluto ang mga benepisyaryo sa Livelihood Seeding Program – Negosyo Serbisyo sa Barangay kon LSP-NSB niadtong Nobyembre 22, ning tuiga dinhi sa lungsod sa Merida.

Nakadawat ang mga benepisyaryo og mga galamiton sama sa kaldero, kalaha, gasol ug stove. Nagpasi-ugda sa maong pagpanghatag ang Public Employment Service Office kon PESO dinhi sa lungsod diin gisuportahan usab kini sa Department of Trade and Industry kon DTI.

Pipila ka mga tao gikan sa nagkalain-laing barangay ang nahatagan. Ang maong mga barangay mao ang Libas, Can-unzo, Mahalit ug ubang parte sa Poblacion.

Usa sa mga nakadawat sa galamiton sa pagluto mao si Mr. Ranulfor Giva Sr,usa ka mulupyo sa Brgy. Can-unzo ug usa ka ilado nga manindahay og siopao dinhi sa lungsod. Ania ang tipik sa pakighinabi ni Sir Ranulfo kabahin sa iyang pagka benepisyaryo niini. (Jelyn Tumulak/DYDC-FM Intern)