GSIS Pensioners, kinahanglan magrenew sa ilang status sa mga sangang buhatan

Pahinumdom ngadto sa mga old age pensioners ug survivorship pensioners sa Government Service Insurance System o GSIS nga nagsaulog sa ilang adlaw’ng natawhan niining bulan sa Pebrero nga moadto sa sangang buhatan sa GSIS nga nahimutang sa may Barangay Mantahan, dakbayan sa Maasin.

Kini aron sa pag-renew sa ilang status nga gitawag og Annual Pensioners Information Revalidation o APIR. Ang katuyo-an niini aron dili maputol ang ilang binulan nga pension. Gipahinumduman usab ang atong mga pensioners sa pagdala sa ilang UMID o eCARD ug duha pa ka valid IDs.

Alang niadtong dili na makahimong pag-adto sa buhatan sa GSIS, mahimong mag-APIR sila pinaagi sa online, diin magpadala og hulagway ang usa ka pensioner nga nagkupot sa iyang UMID o eCARD, luyo niini o background ang telebisyon nga kasamtangang balita ang gipasundayag sa screen. Apil sa pagpadala online mao ang kopya sa ilang UMID Card lakip ang duha ka mga valid IDs sama sa Senior Citizens ID, PhilHealth, TIN, Voter’s ID, SSS.

Laing paagi sa pag-renew sa status sa pensioner mao ang paghinabi o interview sa pensioner online via videocall. Ipasabot kini sa buhatan sa GSIS pipila ka adlaw sa gitakdang interview pinaagi sa Facebook Account sa Gsis Maasin. Maong paagi usab pagasundon sa mga nagsaulog sa ilang adlaw’ng natawhan sa Marso, hangtod na sa Disyembre.

Para sa dugang kasayuran tawag sa telepono 570-8011 ug 381-3789 o sa cellphone number 09310428509. Mo-APIR para ang pension dili mag-disappear.

(Public service announcement gikan sa GSIS Maasin Branch)