Home backyard gardening training para sa mga PWD, gidumala sa Lungsod sa Hindang

Aduna nay higayon nga makabaton og sustansyadong pagkaon ang mga persons with disabilities (PWD) o mga adunay kakulangan ug mga kabus dinhi sa lungsod sa Hindang.

Niadtong Nobyembre onse ning tuiga, gipa-ubos sa training mahitungod sa backyard gardening ang mga PWDs diin nahimo kining posible tungod sa pagtambayayong sa lokal nga kagamhanan sa Hindang ug sa konseho sa Barangay Doos del Norte sa maong lungsod.

Tumong sa maong g kalihukan alang sa mga PWDs, mao nga mahimo silang aktibo og produktibo nga indibidwal sa mga proyekto sa lungsod, bisan pa man og aduna silay limitasyon tungod sa ilang kakulangan sa kondisyon.

Samtang, gipalawig usab ang paghatag og award og livelihood assistance alang sa baynte kwatro ka benepisyaryo nga fish vendors sa gihisgutang lugar. Kini pinaagi sa suporta gikan ni  Cong. Carl Cari ug sa kinto distrito sa Leyte ug ni Sec. Silvestre Bello sa Department of Labor and Employment (DOLE).

Ang duha ka naasoy nga proyekto gibuhat aron mapa-ubos ang kaso sa walay kasegurohan sa pagkaon o “food insecurity”, hilabi na sa mga mabdos ug nagpatotoy nga inahan ug sa mga panimalay nga adunay bata nga malnourished. (Kim Christine Boja/DYDC-Fm Intern)