Pagsaulog sa ika-nobenta’y sais nga anibersaryo sa VSU, apektado tungod sa COVID-19
Apektado ang mga nakalinya nga kalihokan sa Visayas State University alang sa pagsaulog sa ika-nobenta’y sais nga anibersaryo niini tungod sa hulga sa COVID-19 pandemic.
Sa usa ka memo nga gi-release ni VSU President, Dr. Edgardo Tulin, imbes nga himuon ang mga naandang kalihokan, usa ka Thanksgiving Mass ang ipahigayon karong Abril 27 alang sa selebrasyon. Kini mahitabo atubangan sa Administration Building sa alas syete sa buntag diin ang mga myembro lamang sa University Administrative Council kun UADCO ang giimbitahan nga motambong. Motambong usab sa maong kalihokan si Tulin alang sa iyang special anniversary message.
Angayang masayran nga makita online ang maong kalihokan alang sa mga kawani ug mga estudyante sa VSU nga dili makatambong.
