Tabang alang sa mga transport groups sa Baybay, gipahigayon – DYDC 104.7 FM
NewsNews

Tabang alang sa mga transport groups sa Baybay, gipahigayon

Gipahigayon sa Baybay City Gym niadtong Nobyembre baynte ang relief operations alang sa mga transport groups nga sakop sa dakbayan.

Kini gipalambo sa Local Government Unit (LGU) sa Baybay nga gipangunahan ni City Mayor, Honorable Jose Carlos L. Cari uban sa pagduma sa Sanguniang Panglungsod ni Vice Mayor Atty. Ernesto M. Butawan.

Ang maong programa gipahigayon alang sa ikaupat na kwarter karung tuiga nga gidumala sa mga opisyal sa LGU uban usab sa mga kawani sa City Traffic Management and Terminal Office kun CTMTO sa lungsod.

Atol sa akong pagpakighinabi sa CTMTO Head nga si Mr. Jerson I. Colocar, iyang gitataw nga dili lang mga food packs ug mga bitamina ang nadawat sa mga transport groups apan lakip na usab ang medical assistance ug burial insurance ug uban pang mga benepisyo. Ania ang tipik sa pagsaysay ni Mr. Colocar sa kasayoran atol sa among pakighinabi.

Dugang pa ni Mr. Colocar, ang kadtung mga drivers nga wa nakadawat sa maong mga relief goods lakip na sa ubang benepisyo atol sa maong eskedyul, pwede pa nilang makuha sa City Social Welfare and Development Office kung CSWD sa dakbayan.

Sa laing bahin, sumala ni Tatay Jeger Tenejeros, usa ka PotPot driver nga usa sa mga nahatagan sa maong relief goods ug uban pang mga benepisyo, dako ang iyang pasalamat kay naapil siya sa mga nahatagan ug ayuda.

Kini ang iyang saysay atol sa among panag-istoryahanay. (Jessa Saladaga/DYDC-FM Intern)