MGA BINILANGGO SA SAN JUAN DISTRICT JAIL, FULLY VACCINATED NA
Pagka-Nobyembre onse, niining tuiga, ang Rural Health Unit uban sa pagpangulo ni Dr. Eliza Coraza ug uban usab sa ilang Development Management Officer (DMO) nga si Mr. John Paul Roca, ang ikaduhang dosis sa COVID-19 vaccination gipahigayon para sa mga Persons Deprived of Liberty (PDLs) sa maong district jail.
Base sa report gikan sa Department of Health Eastern Visayas, nabakunahan na ang kinatibuk-an nga 30 ka PDL ug 2 ka mga Jail Staffs. Sa laktod pa, ang tanang kawani ug piniriso sa San Juan District Jail sa Southern Leyte hingpit nang nabakunahan batok sa COVID-19.
Dugang pahinumdom, giawhag usab nila ang mga katawhan na kontakon ang labing duol nga Local Government Unit (LGU) aron mabakunahan na. Nunot niini, miingon usab sila nga luwas ug epektibo ang mga bakuna mao nga samtang sayo pa, kon mahimo, mahimo ng kabahin sa BIDA Bakunation, matod pa sa maong organisasyon. (Jessa Saladaga/DYDC-FM Intern)
