Techno- demo mahitungod sa Palaycheck System, gisugdan na

Gisugdan niadtong Nobyembre dise siyete ning tuiga ang technology demonstration kun Techno-demo sa mga mag-uuma sa Sitio Dano, Brgy. Balocawehay, Abuyog, Leyte mahitungod sa Palaycheck system. Tumong sa maong kalihukan nga mapakita sa mga mag-uuma ang ilang nakat-unan nga sistema aron mapalambo ang ilang umahan. Gipasiugdahan kini sa Department of Agriculture-Regional Field Office Eastern Visayas.

Niining pinakaunang adlaw sa techno-demo, ang Key check 1 o ang paggamit og dekalidad nga binhi ug rekomendadong klase sa humay mao ang gipadayag sa mga mag-uuma sa ilahang Model Farm sa asosasyon. Dugang pa niana, gitudluan usab sila kon unsaon ang eksaktong pagpreparar sa binhi usa pa kini isabod.

Matud pa ni Maribel Asuncion, presidente sa Canario-Tabigue Irrigators Association Incorporated nga sa pipila na niya ka dekadang pag-uma, karun pa siya nahibalo sa saktong pagpreparar sa binhing igsasabod diin lahi ra kaayu kini sa ilahang naandan nga binuhatan.

Niadtong Nobyembre baynte usab gipahigayon ang pagpadayag sa Key check 2 kon ang pagpreparar sa yutang tamnanan diin tulo ka nagkalainlaing barayti sa binhi ang isabod. (Maryjane Cubian/DYDC-FM Intern)