VSU, nagdalit og Graduate Study Program sa mga Honor Undergraduates

Maayong balita alang sa mga honor VSU graduates nga buot mukuha og post graduate degree ning tunghaan.

Nagdalit karon og scholarship ang Visayas State University Graduate School pinaaggi sa Graduate Study Program for Honor Undergraduates niini alang sa mga graduates nnga nakakuha og latin honor.

Aniay mga sumbanan aron mahimong kwalipikado alang sa maong scholarship program.

Kinahangla nga gradwado sa VSU isip honor sulod sa nakalabay’ng lima ka tuig.

Kinahanglan nga admitted sa VSU Graduate School.

Kinahanglan nga magsugod isip new student atol sa pag-apply sa scholarship. Ang mga Transferees ug Continuing Students dili eligible sa programa.  

Kinahanglan usab nga baynte singko anyos atol sa pagkadawat sa VSU Graduate School.

Ang entrante kinahanglan mukuha sa kurso nga linya sa iyang bachelor’s degree program.

Sa mga palaran nga mapili sa isip Scholar sa maong programa, aduna silay madawat nga baynte mil pesos mga stipend matag bulan, master’s thesis support nga singkwenta mil peso ug libre nga school fees.

Angayang masayran nga ang deadline sa pagpangdawat sa mga application karong umaabot Hulyo baynte ning tuiga.

Alang sa dugang kasayuran mamahimong i-message ang Facebook Page sa VSU Graduate School, mu-email sa gs@vsu.edu.ph o mu-contact sa numerong 09619601819.