MAPEH majors, nagpahigayon og Musikantahan

Usa ka singing contest nga giuluhang Musikantahan ang gi-organisar sa mga senior Music, Arts, Physical Education and Health kun MAPEH majors dinhi sa Visayas State University (VSU).

Gipahigayon ang panagtigi niadtong Pebrero baynte syete ning tuiga didto sa Institute of Human Kinetics (IHK).

Gitambungan kini sa kapin kun kulang otsenta ka mga estudyante sa VSU ug mga manan-away.

Samtang, gisalmotan usab ang Musikantahan sa pito ka mga entrante nga gikan sa nagkadaiyang mga colleges sa VSU sama sa College of Forestry and Food Science, College of Forestry and Food Science, College of Arts and Sciences, College of Management and Economics, College of Education, College of Engineering lakip na ang Senior High School.

Nasayran nga tumong sa maong buluhaton nga ilang magamit ang ilang abilidad ug kahanas gikan sa mga natun-an nila sa ilang subject nga MAPEH 116 o Coaching and Officiating, Music, Dance and Sports Events. Partikular na sa pag-organisar og nagkadaiyang mga events lakip na ang personal nga pag-coach o pagtudlo sa mga entrante sa mga angayan nilang mahibaloan mahitungod sa pag-awit.

Atol sa pagpakighinabi sa DYDC-FM News Team ni IHK Instructor Ma. Elena Guy-ab, makatabang ang maong buluhaton aron mahimong andam ang mga MAPEH Majors kung aduna may mga okasyon nga possible nilang madumalaan.

Aduna usab siyay mensahe alang sa iyang mga estudyante human nga ipahigayon niini ang Musikantahan.

INSERT TAPE

CUE IN

CUE OUT

Si IHK Instructor Ma. Elena Guy-ab dinhi sa VSU.

Dugang pa, aduna usab ganting salapi nga nadawat ang mga midaog ug ang mga wala gipalad nga midaog sa Musikantahan.

Angayang masayran nga ang pondo nga gigamit sa maong kalihukan lakip na ang ganti nga gipanghatag sa mga entrante gikan sa mga amot  sa mga MAPEH majors.

Perlyn Fernandez, Kalambuan News.