GAD ug VSU Hospital, maghatag og serbisyo alang sa mga kababayen-an – DYDC 104.7 FM
EventsNews

GAD ug VSU Hospital, maghatag og serbisyo alang sa mga kababayen-an

Atol sa kasaulogan sa National Women’s Month 2019, ang Visayas State University Hospital ug Gender and Development kun GAD program sa tunghaan maghatag og serbisyo sa panglawas alang sa mga kababayen-an.

Ang programang “Serbisyo Para Kay Juana” ipahigayon sa VSU Hospital ug Ecopark karong Marso 19-22, sugod alas nuebe sa buntag ngadtos alas kwatro sa hapon.

Karong adlawa, Marso 19, adunay ipahigayon nga Free Blood Typing ug Pap Smear. Duna usa’y health teaching kabahin sa saktong nutrisyon ug ehersisyo.

Sa ikaduhang adlaw, Marso 20, dunay libreng Random Blood Sugar kun RBS Test, ug lecture kabahin sa mental health issues sama sa depression, eating disorders ug suicide.

Dugang pa, hisgutan usab ang saktong pagdumala sa stress ug ipahigayon ang Zumba isip tabang sa pagpawala sa tensyon.

Karong Marso 21, dunay Free HIV Screening, Free Uric Acid Determination, ug Pap Smear ug Breast Examination nga ipahigayon sa VSU Hospital.

Duna usa’y lecture kabahin sa HIV/AIDS/STIs, menstrual problems, ug reproductive health.

Sa ikaupat nga adlaw, Marso 22, dunay Blood Pressure Taking, Hypertension Screening ug Video Showing.

Angayang masayran nga sagad sa ilang mga libreng serbisyo mahitabo sa buntag ug ang mga lecture magsugod sa alas dos sa hapon.