Qualifiers sa 2021 VSU CAT, girilis na!
Maayong balita alang sa mga estudyanteng nagtinguha nga mo-enrol dinhi sa Visayas State University (VSU).
Malipayong gi-anunsyo sa tunghaan ang mga gipalad nga nakapasar sa gipahigayong Virtual College Admission Test (CAT) sa VSU karong tuig dos mil baynte uno.
Matod pa, sa 7, 596 nga mga aplikanteng mi-exam, 5, 319 ang nakapasar ug kwalipikadong mo-enrol sa tanang mga campus sa tunghaan, sa VSU Alang-alang, VSU Isabel, VSU tolosa ug VSU Villaba ug sa VSU Main Campus.
Sa Main Campus nga nahimutang dinhi sa dakbayan sa Baybay, adunay 1,635 nga nadawat sa kurso nga ila mismo gipili samtang 1,171 ang qualified ug eligible nga mo-enrol sa mga musnod nga degree programs nga aduna pay abli nga slots:
- AB English Language Studies – 37 (slots)
- B Culture and Arts Education – 23
- B Physical Education – 6
- BS Agriculture. -268
- BS Agribusiness – 102
- BS Agricultural & Biosystems Engineering – 44
- BS Applied Physics – 28
- BS Biology – 4
- BS Chemistry – 37
- BS Development Communication – 59
- BS Economics – 4
- BS Environmental Sciences – 27
- BS Forestry – 74
- BS Food Technology – 71
- BS Geodetic Engineering – 39
- BS Hospitality Management – 78
- BS Mathematics – 37
- BS Marine Biology – 35
- BS Mechanical Engineering – 19
- BS Meteorology – 23
- BS Statistics – 10
Apan, gisaysay nga first-come-first serve ang pamaagi aron maka-enrol sa mga abli nga slots.
Nakamantala sa vsu.edu.ph, opisyal nga website sa tunghaan, ang tibuok nga listahan sa mga qualifiers sa VSU Main Campus ug sa mga satellite campus.
Samtang, gipahinumdoman sa VSU ang mga qualifiers nga kanunay nga i-check ang ilang email alang sa mga mahinungdanong impormasyon ug mga tugon nga ilang ipadangat mahitungod sa admission ug enrolment nila alang sa musunod nga academic year. (Perlyn Fernandez)
