Kaso sa COVID-19 sa nasud, mikabat na sa kapin 9,600
Mitaho ang Department of Health kun DOH nga dunay dugang nga 199 nga bag-ong kaso sa COVID-19 sa nasud.
Kini miresulta sa katibuk-ang ihap ngadtos 9,684 sa alas kwatro sa hapon sa May 5, 2020.
Sigun pa sa DOH, 173 niini nga kaso ang gikan sa National Capital Region kun NCR samtang usa ang gikan sa Central Visayas (Region 7).
Sa pikas bahin, 25 sa bag-ong kaso ang gikan sa nagkadaiyang rehiyon sa nasud.
Dugang usab sa DOH, adunay 98 nga naayo nga miresulta sa kinatibuk-ang ihap nga 1,408
Angayang masayran nga duna usa’y 14 ka kinabuhi ang nakalas ug miresulta sa kinatibuk-ang ihap nga 637.
Sa Eastern Visayas, mikabat na sa 14 ang kaso sa COVID-19 samtang nagpabilin nga COVID19-free ang Dakbayan sa Baybay.
