Ning bag-ohay pa lang, naglagda og Memorandum of Agreement (MOA) isip partners ang VSU ug ang Tottori University. Kini na ang ikatulong partner institution sa VSU diin ang una mao ang Hiroshima University ug gisundan sa Nagoya University.
Angayang masayran nga mas gipakusgan pa sa VSU ang programa niini sa pakigtambabayong sa mga unibersidad gawas sa nasud isip paagi sa pagpalambo pa sa student ug faculty mobility overseas.

Gipahigayon ang virtual signing sa MOA tali sa TU ug VSU niadtong Hunyo kinse ning tuiga nga gifeature pa sa usa ka local Japanese television newscast.

Si TU President Dr. Hiromitsu Nakajima ug VSU President Dr. Edgardo E. Tulin ang nangulo sa ceremonial signing nga gisaksihan sa ubang opisyales sa duha ka unibersidad.

Ang MOA nagpalapad sa kasamtangang extension engagements tali sa duha ka tunghaan. Kini usab naghatag og higayon sa VSU ug TU nga magphigayon og mga aktibidad sama sa exchange professor programs. Lakip na niini ang mobility opportunity sa research scholars, undergraduate ug graduate students ug uban pang kalihukan sa pagdisenyo ug paggama og scientific materials.

Angayang masayran nga nakapadala na ang VSU og pipila ka mga magtutudlo niini sa Japan alang sa ilang graduate studies. Gani, si President Tulin nakakuha sa iyang doctoral degree sa Nagoya University niadtong 1993 lakip na ang iyang post-doctoral degree sa Iwate University niadtong 1995. (Orihinal nga gisuwat ni Ulderico Alviola)

The post VSU naglagda og partnership sa Tottori University sa Japan appeared first on DYDC 104.7 FM.

Kini na ang ikaduhang crop nga gi-accredit sa BPI sa PhilRootcrops diin ang cassava ang unang gi-sertipika niadtong 2017 ug na-renew niadtong 2020.

Ang BPI accreditation alang sa sweetpotato nursery gihatag niadtong Mayo traynta atol sa stakeholders’ meeting sa Barangay Cogon, Baybay City ug magpabiling epektibo hangtod tuig 2025.

Si kanhi PhilRootcrops Director Dr. Erlinda Vasquez ang nangulo aron makuha ang accreditation kauban si Mr. Dioscoro Bolatete kinsa senior agriculturist sa center.

Ang mga opisyal sa BPI gikan sa regional ug national offices nagpahigayon og validation visit sa newly-accredited sweetpotato nurseries isip tipik sa regular monitoring sa kagawaran.

Ang plant nursery accreditation ug planting stock certification giingong maayong stratehiya nga magpalambo ang taas nga kalidad sa seedling production ug maghatag og dakong higayon sa mga smallholders ug lokal nga komunidad.

Tumong sa plant nursery accreditation nga masiguro ang produksyon ug distribusyon sa dekalidad nga planting materials gikan sa rekomendadyong crop varieties ug species nga true to type ug wala peste ug mga sakit.

Gitataw ni Dr. Vasquez nga ang BPI Certification sa PhilRootcrops maghatag og higayon sa daghang ahensya ug grupo nga magkuha sa ilang planting materials gikan sa VSU.

Sa anam-anam nga pagluag sa mga travel restrictions, ang PhilRootcrops mas aktibo pa nga nakigtambayayong sa ubang mga government agencies sa Luzon ug Mindanao aron ma-promote ang rootcrops isip panginabuhi-an sa mga mag-uuma.

Angayang masayran nga ang planting materials gikan sa PhilRootcrops bag-ohay lang gipang-apud apud sa Southern Leyte isip tipik sa recovery programs nga gipangulohan sa provincial government aron marehabilitate ang mga komunidad human sa kadaot sa Typhoon Odette. (Orihinal nga gisuwat ni Joseph Kenneth M. Labastida)

The post PhilRootcrops nakadawat og accreditation gikan sa Bureau of Plant Industry isip plant nursery operator appeared first on DYDC 104.7 FM.

Gipangulohan sa mismong Chancellor sa University of the Philippines Los Baños nga si Dr. Jose V Camacho Jr., ang Technical Panel magsilbi isip advisory and recommendatory body sa CHED sa natad sa economics sa musunod nga upat ka tuig.

Lakip sa mga miyembro sa team gikan sa UPLB College of Economics and Management, Bangko Sentral ng Pilipinas (BSP), Philippine Institute of Development Studies (PIDS) ug ubang mga unibersidad sa nasud. Sila nanumpa sa usa ka virtual ceremony niadtong Hunyo siyete nga gipangunahan ni outgoing CHED Chairperson Dr. J. Prospero De Vera.

Sa iyang pakigpulong, gibutyag ni UPLB Chancellor Camacho masaligon nga ilang mahimo ang economics education roadmap aron mas maha-om pa kini sa panahon. Iya usab gipanghingusog ang katuyo-an sa Technical Panel sa musunod nga upat ka tuig.

Sa iyang bahin, si Dr. Sereño mapasalamaton sa suporta ug kumpyansa nila ni Chancellor Camacho ug CHED Chairperson De Vera. Gibutyag usab sa Dean kung unsa kamahinungdanon ang iyang pagka-apil sa CHED Technical Panel alang sa VSU.

Si Dean Sereño kasamtangan nagsilbi isip Associate Professor sa Department of Economics sa VSU. Nakuha niya ang iyang master’s degree sa International Development Program sa International University of Japan niadtong 2009 ug ang iyang doctorate degree in Economics sa University of Gottinger sa Germany niadtong 2014.

Siya usab ang Founding Director sa Visayas Socio-Economic Research and Data Analytics Center (ViSERDAC), usa sa tulo ka bag-ong natukod nga centers sa nasud nga gipondohan sa Philippine Council for Agriculture, Aquatic and Natural Resources Research and Development (PCAARRD). (Orihinal nga gisuwat ni Ulderico Alviola)

The post CME Dean, napili isip miyembro sa CHED Technical Panel for Economics appeared first on DYDC 104.7 FM.

Kini human makuha sa VSU ang pinakataas nga institutional status sa AACCUP sa Kabisay-an ug Mindanao.

Sa kasamtangan, duha ka unibersidad pa lang ang nakakuha sa Level 4 status sa AACCUP. Kini ang Tarlac State University ug Pangasinan State University sa Luzon. Bisan pa man og wala pa gipagawas ang mga marka, ang overall performance sa VSU giingong record-breaker diin halos tanang areas dul-an sa perpekto.

Ang AACCUP nag-ebalwar sa usa ka institusyon sa siyam ka areas nga mao ang governance and management; teaching, learning and evaluation; faculty and staff; research; extension, consultancy and linkages; support to students; library; infrastructure and other learning resources; ug quality assurance culture.

Base sa sumbanan sa AACCUP, ang institusyon mahatagan lang sa pinakataas nga Level IV kung makakuha kini og mean score nga 4.5 ug walay area nga ubos sa 4.0

Gi-aprobahan sa AACCUP Board of Trustees ang Level IV status sa VSU niadtong Hunyo baynte human sa validation visit sa piling research centers ug key offices sa tunghaan.

Sa iyang bahin, si VSU Quality Assurance Director Dr. Editha G. Cagasan nagpadayag og pasalamat sa tanang magtutudlo ug kawani nga mingtrabaho aron magmalampuson ang ikatulong institutional accreditation sa AACCUP.

Gikalipay usab ni VSU President Dr. Edgardo E Tulin ang resulta sa accreditation. Gibutyag niini nga ang maong kalampusan usa usab ka hagit aron mas palambuon pa sa tunghaan ang paghatag og serbisyo ug pagtuman sa mandato sa instruction, research ug extension.

Ang VSU nagpabiling consistent record holder sa AACCUP isip pinaka-unang institusyon sa nasud nga mipaubos sa institutional accreditation niadtong 2010. Ang VSU usab ang pinaka-unang institusyon sa nasud nga nahatagan og Leve III accreditation status niadtong tuig 2017.

The post VSU nakuha ang pinakataas nga lebel sa AACCUP institutional accreditation appeared first on DYDC 104.7 FM.

Ang Ugmad Awards tipik sa 98th Founding Anniversary sa VSU ug usa sa mga highlights sa Farmer’s and Fisherfolk’s Day kun FFD. Ang FFD unang gipahigayon niadtong tuig 1982 ug nahimo na nga epektibong stratehiya sa pagpakatap sa impormasyon ug teknolohiya sa mga mag-uuma ug uban pa’ng stakeholders sa industriya sa agrikultura ug pagpangisda ning rehiyon. Sa kasamtangan, ang FFD na ang pinakadakong panagtigom sa mga mag-uuma ug mananagat sa Silanganang Kabisay-an.

Ang Ugmad Awards natukod niadtong tuig 1996 nga tuyong mapasidunggan ug ma-ila ang mga mag-uuma nga nakakab-ot og farm productivity gamit ang mga environment-friendly nga teknolohiya ug naka-impluwensya usab sa iyang kominidad.

Alang sa INDIVIDUAL AWARDS, adunay:

∙Outstanding Farmer-entrepreneur

∙Outstanding Vegetable Farmer

∙Outstanding Livestock Farmer

∙Outstanding Fisherfolk/Aqua-culturist

∙Outstanding Jackfruit Farmer

∙Outstanding Cacao Farmer

∙Rice Achiever Award

∙Corn Achiever Award

∙Rainforest Hero

Alang sa GROUP AWARDS, adunay:

∙Outstanding Farmers Association

∙Outstanding Fisherfolk/Aqua-culturist Association

∙Best Agri-Tourism Farm

Alang sa pagnominate, mahimong madownload ang nomination form sa https://bit.ly/FFDForms2022 ug isumiter ang mga entries sa dili pa ang Abril otso ning tuiga kang Ms. Shirley Nayre, Office of the Vice President for Research, Extension and Innovation, Visayas State University, Baybay City, Leyte.

Alang sa dugang pangutana ug kasayuran, mamahimong mutawag sa (053) 563 0542, (Smart) 0961 4357 802, o (Globe) 0926 0448 928 o mag-email sa extension@vsu.edu.ph. (Buen Josef Andrade)

The post Search for Ugmad Awards 2022, gisugdan na appeared first on DYDC 104.7 FM.

The exam proper will take place from April 5 to 6, 2021.

OVERVIEW

BSDC first-year students and other VSU students interested in shifting to DevCom may take the DevCom screening. The screening will start with an application period where the student submits personal information. Then they will be invited to Google Classroom, a learning management system or LMS, to take the two exams. Their high school grades will also be assessed. The department will publish the results shortly after the exam. Taking and passing the screening is a department prerequisite to take DevC undergrad courses.

Due to Typhoon Odette and the COVID-19 Pandemic, the department has accepted BSDC freshmen to enroll DEVC121 in advance. For 2022, taking and passing the screening is a requirement before a final grade in 121. This subject is the foundation course and a pre-requisite of all other DEVC subjects.

PROCEDURE

Step 1. Apply to take the DevCom screening here: https://airtable.com/shrBjrBF1HwAxHv0o

You must submit the following information:

• Full name
• Student number
• Course and year
• Email address (must be Gmail or GSuite)
• Mobile number

Deadline for application: April 4, 2022, Monday at 5:00 PM

Step 2. Join the Google Classroom class for the screening. Wait for the email invitation which will be sent to you as early as Monday.

Deadline to join GC: April 5, 2022, Tuesday at 12 NN

Step 3. Submit a scanned copy of your grades from your last year in high school or equivalent.

Their grade weighted average (GWA) will compose 20% of your screening rating, which will be computed as follows:

Any percentage above 80% up to 100% will be considered as their rating.

The formula is: n = GWA% – 80%

For example, if your final high school GWA is 90%, it means you will get 10% for the 20% criteria.

The scan will be submitted on Google Classroom.

Deadline to submit your HS grade: April 6, 2022, Wednesday at 5:00 PM

Step 4. Take the oral exam.

The oral examination will be done over Zoom on April 5, Tuesday from 1 to 5PM.

The DDC faculty members and all applicants will join the Zoom meeting. The faculty will enter specific breakout rooms and will bring in applicants one by one into their breakout room. The oral examination will comprise 30% of the applicant’s final rating.

Like the usual oral examination, you will be asked a question (most likely pertaining to a campus, community, or social topic or issue) and your response will be rated according to the following criteria:

Content – 30%
Logic – 20%
Grammar – 30%
Diction – 20%

Ideally, all applicants must turn his/her video on. In cases when connectivity is an issue, you will be given the permission to turn the video off after your identity is confirmed. A dial-in option through mobile will also be available in extreme cases.

The link to the Zoom meeting will be posted on Google Classroom along with the Assignment post for the oral examination (30pts).

The post Virtual DEVCOM Screening – April 5, 2022 appeared first on DYDC 104.7 FM.

DUYOG SA KAGAHAPON, LIHOK SA KAUGMAON: Join us as we laud IHK’s Forty-six zestful years in an array of performances tuned to songs of optimism in vibrant hues; taking glimpses of the past as the guiding light of today for a brighter future.

Forty-six years of conquering limits and soaring greater heights!

The post IHK 46th Anniversary Culmination Program – March 31, 2022 appeared first on DYDC 104.7 FM.

Gihataga’g pasidungog ni Engr. Mark Anthony S. Arcayan ang VSU dihang nanguna kini sa dul-an upat ka libo ka mga mangindahay sa mechanical engineering board exam.

Si Engr. Arcayan minggradwar niadtong 2020 isip Magna Cum Laude diin siya usab ang top graduate sa class VSU 2020. Siya usab kasamtangang nagtudlo sa Department of Mechanical Engineering dinhi sa VSU.

Sa maong board exam aduna usay unom nga mga bag-ong mechanical engineers ang VSU nga nadugang sa mga successful examinees gikan sa VSU-Department of Mechanical Engineering. Ang VSU nakakuha og institutional passing rate nga 53.85%

Ang Mechanical Engineering Board Exams gipahigayon niadtong Pebrero baynte siyete hangtud baynte otso sa mga testing areas nga nahimutang sa Metro Manila, Baguio, Cagayan de Oro, Cebu, Davao, Iloilo, Legazpi, Lucena, Rosales, Tacloban ug Zamboanga.

Sa 3,780 ka mga mangindahay, 2,121 ang nakapasar sa board exam o 56.11 percent nga national passing percentage. (Buen Josef Andrade/DYDC-FM)

The post VSU graduate, Top 1 sa Mechanical Engineering Licensure Exam 2022 appeared first on DYDC 104.7 FM.

Ang maong orientation gisugdan sa alas otso y medya sa buntag ug nahuman sa alas singko sa hapon.

Ang usa ka adlaw nga orientation, tuyong mapasabot sa mga estudyante ang mga nagkadaiyang serbisyo sa tunghaan ug ang mga sumbanan sa pagpahigayon sa klase taliwa ning pandemya.

Lakip sa mga gituki sa Onboarding mao ang Status of Student Vaccination Survey AY 2021-2022 & Guidelines on Nationwide Alert Level System; Safeguarding Students Well-being during Challenging Times; Safe Spaces Act; Gender & Development: Providing a safe and inclusive learning environment; ug Library Services.

Sa afternoon session gi-tuki ang: Conduct of Student Co-curricular Activities, Scholarships & Grants for Viscans, Universal Access to Quality Tertiary Education, VSU E-Learning Portal, Turnitin Plagiarism Checker, Academic Integrity, Teaching Performance Evaluation by Students, ug Customer Feedback

Gipahigayon kini alang sa tanang estudyante sa VSU System lakip na ang mga component colleges diin live kining gi-broadcast sa official Facebook Page sa VSU.

Nasayran nga ang maong onboarding seminar gipahigayon aron mapasabot sa mga estudyante ang mga pagabuhaton hilabi na sa gipatumang flexible learning sa VSU. Kini usab resulta sa mga gibuhat nga mga preparasyon sa pagdumala sa klase taliwa sa gitawag nga New Normal.

Ubos sa New Normal, gilimitahan ang face-to-face mode of instruction o pisikal nga pagklase sa tunghaan.

Sa iyang welcome address, gidasig ni VSU President Dr. Edgardo E. Tulin ang mga estudyante nga gibuhat sa VSU ang tanan aron padayon nga maghatag og de kalidad nga edukasyon bisan pa man sa panahon sa pandemya.

Dugang pa ni Dr. Tulin nga kung walay mga kakuli-an, posibleng ablihan na sa tunghaan ang pultahan niini para sa mga graduating students ug graduate students karong buwan sa Marso. (Buen Josef C Andrade)

The post Online student onboarding, gipahigayon sa VSU sa pag-abli second semester appeared first on DYDC 104.7 FM.

Ang personal blog nga gitawag og “Lakawan PH,” naghimo og usa ka programa nga ginganlan og “Lakawan PH Cares.” Kini gimugna ni Mr. Michael G. Suarez, usa ka maestro ug youtuber sa lungsod sa Hindang.

Ang maong programa padayun nga nanghatag og relief packs para sa ika-upat nga higayon, mao sab ang cash assistance alang sa mga pili nga indibidwal nga biktima sa kalamidad.

Gibutyag ni Mr. Suarez nga kinahanglan og dinalian nga tabang ang mga katawhan human niya masaksihan ang mga lugar nga grabi nga na-igo sa bagyong Odette, ug mao kini ang mga lugar sa Inopacan, Hindang, Hilongos, Bato, ug Matalom.  Ang mga lugar sa probinsya sa Southern Leyte nga grabeng naapektohan mao ang Maasin City, Sogod, Bontoc, Tomas Oppus, Malitbog, ug uban pa.

Si Mr. Suarez nagkanayon nga matod pa sa iyang pakighinabi sa usa sa mga biktima sa bagyo, kadaghanan sa ilaha mas nanginahanglan og tabang aron mabalik ang ilahang mga panimalay. Kinahanglan kini og dako nga budget, inay ang pag apod-apod ug relief goods ang hingpit nga natabang sa nahisgutang programa.

Nakahatag og cash assistance worth 8,000 pesos ang maong programa sa usa ka bitkima sa bagyo nga taga Brgy. Abgao, Malitbog, Southern Leyte.

Ang “Lakawan PH Cares” inubanan sa mga donors ug sponsors gikan sa nagkalain-lain nga lugar, ug kini abli sa mga donors nga kasing-kasing ug andam nga mutabang sa katawhan nga apektado sa bagyong Odette. (Kim Christine Boja/DYDC-FM Intern)

The post Relief operation sa programa nga Lakawan PH Cares, hapsay nga nagpadayun! appeared first on DYDC 104.7 FM.