Atol sa virtual graduation sa SOA niadtong Agosto trayntay uno, gidayeg ni Christina Monroe, EWC Director of Alumni Engagement, ang tinguha sa SOA nga naka-angkla usab sa tinguha sa ilang buhatan nga tuyong mapalambo ug makabaton og kooperasyon sa Asia-Pacific Region.

Mapasalamaton usab ang EWC Alumni Engagement Director sa VSU sa pagpasiugda ning maong SOA program.

Sa iyang bahin, si EWC Senior Specialist Lance Boyd nagpadayag nga ang maong pagtambabayong tali sa EWC ug VSU nagpalig-on sa Innovation for Sustainable Development Fellows, usa ka programa nga iyang gimugna nga gi-ila sa United Nations (UN) nga nagpa-usbaw aron maabot ang sustainable development goals (SDGs).

Madasigon usab si VSU President Dr. Edgardo Tulin sa positibong resulta sa maong SOA ug nagpadayag og tinguha sa mga bag-ong programa nga mamugna nga susama sa buot nga makab-ot sa EWC.

Si Dr. Christina A. Gabrillo, VSU Development Communication Head ug ang nangulo sa SOA program, nalipay sa report nga nagpakita nga adunay pag-usbaw sa kahibalo sa 118 nga mga partisipante nga estudyante ug magtutudlo hilabi na sa aspeto sa mental health awareness ug mga konsepto sa environmental protection.

Dugang pa, ang mga magtutudlo ug estudyante nagpakita usab og pag-usbaw sa kahibalo sa visual arts nga mamahimo nilang epektibong coping strategies batok sa mental health problems.

Ang mga bag-ong art skills nakita usab nga magamit aron sa adbokasiya sa environmental conservation ug protection sa mga partisipante.

Atol sa virtual graduation, nagpresentar ang duha ka Division Offices sa Department of Education (DepEd) sa Eastern Visayas sa ilang sustainability plan. Si Dr. Raul Agban nagpresentar alang sa Baybay City Division samtang si Dr. Liza Demetrio nagpresentar sa Southern Leyte Division alang kang Dr. Genis Murallos.

Isip paghatag og balor sa dedikasyon sa mga radio school learners, giila ang mga top-performing nga estudyante ug magtutudlo nga nagsilbi usab og co-facilitators ug on-the-ground coaches sa SOA program.

Gidomenar sa Southern Leyte Division ang top-performing students ug teachers diin nasakmit niini ang tanang tulo ka top awards sa duha ka kategorya.

Sa student awardees, nakuha ni Al Christian Escol ang SOA class valedictorian, Angelo Siman ang ikaduhang pwesto, ug Honeylyn Macapagong ang ikatulong pwesto.

Alang sa mga teacher awardess, si Roy Estrella ang nakakuha sa unang pwesto, gisudan nila ni Rosaio Imboc ug Carmelita Maturan sa ika-duha ug ikatulong pwesto.

Ang tanang mga manananog nakadawat og medalya, certificate gikan sa VSU ug EWC ug kwarta nga ganti nga nagkantidad og Php5,000, Php3,000, and Php2,000 sa top 3 students ug teachers.

Ang radio school on visual arts, mental health, and the environment usa training program nga mingdagan og unom ka semana ug gisibya sa VSU Radio DYDC-FM ug sa Facebook Live sa official page sa tunghaan.

Ang EWC ang nagpondo sa maong programa diin gi-implementar kini sa mga faculty members sa Department of Development Communication sa VSU. Kini na ang ikaduhang proyekto sa EWC nga gi-implementar sa DDC diin ang una mao ang participatory production sa usa radio drama kabahin sa disaster preparedness.

The post East-West Center, gidayeg ang VSU sa pagpangulo sa SOA alang sa mga estudyante ug magtutudlo appeared first on DYDC 104.7 FM.

Si Dr. Gabrillo usa ka magtutudlo, tigpanuki-duki u glider sa VSU kinsa aduna nay kapin duha ka dekada nga kasinati-an sa natad sa development communication – ang karera nga iyang gipili sukad pa sa iyang bachelor’s degree hangtod na sa iyang doctorate degree. Nakuha ni Dr. Gabrillo ang iyang bachelor’s ug master’s degrees sa VSU samtang ang iyang Doctor of Philosophy (Ph.D.) degree iyang nakuha sa University of the Philippine Los Baños (UPLB).

Sa pagsugod sa iyang karera sa akademya, nagtudlo si Gabrillo og mga broadcasting courses (pagsibya) sa mga undergraduate DevCom students, nagpahigayon og mga communication research ug extension projects ug nagsilbi isip program host ug announcer sa kanhi VSU Radio DYAC-AM, nga karon mao na ang VSU Radio DYDC-FM (usa ka public service ug extension broadcast facility sa VSU).

Samtang nagsugod ang karera ni Gabrillo isip usa ka lider dihang nahimo siyang Station Manager sa kanhi DYAC gikan 2006 hangtod 2009. Human niini, nakabaton usab siya og mas taas nga leadership roles sama sa VSU Open University, Multimedia Development Center (MMDC), ug VSU Printing Press.

Human siya makagradwar sa iyang PhD, subli kining natudlo isip Station Manager sa DYDC-FM gikan sa 2013 hangtod 2021. Sa susamang higayon, nagsilbi usab siya isip labaw sa VSU Department of Development Communication sa walo ka tuig.

Ang liderato ni Gabrillo ang nag-awhag niini nga musalmot sa Asia Pacific Leadership Program (APLP) sa East-West Center (EWC) sa Honolulu, Hawaii niadtong 2019. Ang maong programa mingdagan og lima ka buwan diin gipahigayon kini sa India, California ug Hawaii, USA. Ang APLP usa ka programa nga nagdebelop og mga lider nga makapalambo sa personal, team ug community coordination pinaagi sa epektibo nga leadership nga stratehiya. Giisip kini ni Gabrillo nga usa ka dakong oportunidad aron mapalambo pa ang iyang pagdala sa duha ka opisina nga mao ang DDC ug DYDC-FM radio station.

Human makalampos ug mahimong EWC-APLP fellow, naghimo dayon si Gabrillo og usa ka project proposal diin gi-aprobahan kini ug gipondohan sa EWC. Kini mao ang paghimo og community radio drama kabahin sa disaster preparedness nga gilunsad niadtong Disyembre 2019.

Lakip sa iyang paghuman sa APLP sa 2019 mao ang nagpadayong School-on-the-Air (SOA) on visual arts for mental health and environment protection diin 120 ka mga junior ug senior high school students ug teachers sa Baybay City ug Southern Leyte Divisions and mingsalmot sa unom ka semana nga online classes. Gitan-aw nga mahuman ang maong proyekto sa Septembre 2021.

The post Dr. Christina A. Gabrillo: Ang babaye luyo sa SOA for Visual Arts, Mental Health and the Environment appeared first on DYDC 104.7 FM.

Feel free to send in your questions on the topic in the comment section.

PANGUTAN-A SI ENGINEER!

The post Pangutan-a si Engineer Ep. 31 – May 6, 2021 appeared first on DYDC 104.7 FM.

The post ‘He Says She Says’ Ep. 32 – May 5, 2021 appeared first on DYDC 104.7 FM.

Atol sa “Pangutan-a si Engineer” radio program sa DYDC-FM kagahapon, Marso onse, ning tuiga, si Prof. Tambong nagkanayon nga importante ang feasibility study sa mga proyekto o negosyo aron masuta kung angayan ug magmalampuson ba kini, sa dili pa i-implementar.

Ang feasibility study usa ka report nga nagsuta sa usa ka proyekto o negosyo sa mga aspeto sa market, technical, financial, socio-economic, ug management. Tumong niini nga mahibalo-an kung praktikal, mabuhat, makaganansya, ug aduna bay benepisyo ang usa ka proyekto o negosyo. Apan ang tradisyonal nga paghimo og feasibility study usa ka makuting proseso ug mu-abot og mga semana o buwan sa paghimo sa report.

Matud pa ni Tambong nga nadebelop niya ang maong software tungod sa kalisod og kadugay sa proseso sa paghimo niini. Sa maong paagi, mas matabangan niya ang mga pribadong indibidwal, mga kumpanya, ug mga gobyerno nga makahimo og mga feasibility studies.

Si Tambong nagkanayon nga namugna niini ang Bytex Analyzer niadto pa’ng tuig 1997 isip resulta sa training niini sa World Bank niadtong 1994 hangtod 1995. Ang maong software anaa na sa version 5.18.

Si Tambong nagkanayon nga daghang mga indibidwal, mga pribadong organisasyon ug mga grupo na ang minggamit sa maong software.  Mas sayon usab gamiton ang Bytex tungod sa speed, accuracy, ug convenience niini. Compliant usab ang software sa International Accounting Standards (IAS) ug International Financial Reporting Standards (IFRS).

Sa iyang bahin, gi-awhag ni Engr. Ma. Grace Sumaria nga kinahanglan gyud nga maghimo og feasibility study ang mga buot mag-implementar og proyekto o bisan ang mga small to medium nga mga negosyo aron sa pagsuta sa pagkapraktikal sa ilang mga negosyo.

Angayang masayran nga nakadawat na usab og mga pasidungog si Prof. Tambong sa gawas sa nasud tungod sa iyang gidebelop nga software ug nakigpartner na usab kini sa Bureau of Fisheries and Aquatic Resources (BFAR) aron sa pagbansay og daghang mga tawo sa paggamit sa Bytex.

Samtang ang Bureau of Agricultural and Fisheries Engineering (BAFE) ang pinaka-unang ahensya sa gobyerno nga opisyal nga ming-gamit sa maong computer software niadtong Septembre 2020.

Malaumon usab si Tambong nga gamiton pa sa ubang ahensya sa gobyerno ang maong software ug daghan pa kini tawo nga ma-train sa paggamit niini.

Mamahimong ma-download nga libre ang software sa maong link https://drive.google.com/open?id=1VIIawFOD7qKJSiYZyn6Ja3OZD8HVlHcs

Libre ang unang baynte ka calculation samtang anaay gamay nga bayad nga 40 pesos ang matag calculation.

Sa dugang kasayuran kabahin sa Bytex Feasibility Analyzer, mamahimong mupadala sa ilang mensahe ni Prof. Arthur Tambong sa iyang email: arthur.tambong@vsu.edu.ph (Buen Josef Andrade)

The post Paghimo og feasibility study, gipasayon sa software nga gidebelop sa usa ka VSU prof appeared first on DYDC 104.7 FM.