Mingsaka na sa onse ka mga lungsod sa probinsya sa Leyte ang adunay mga natalang kaso sa African Swine Fever kun ASF nga usa ka dilikadong matang sa sakit sa mga babuyan.<\/p>\n\n\n\n
Mao kini ang gibutyag ni Allen Goroy, livestock point person sa Agricultural Training Institute-Eastern Visayas kun ATI-RTC 8 atol sa programa sa ATI sa DYDC FM nga \u201cAgri-Istoryahay sa ATI\u201d niadtong Marso dose ning tuiga.<\/p>\n\n\n\n
Sigun ni Goroy nga gikan sa unang natalang kaso sa ASF sa lungsod sa Abuyog niadtong buwan sa Enero ning tuiga, nadugangan pa kini og napulo ka mga lungsod nga adunay gideklarang kaso sa ASF. Kining mga lungsod mao ang Javier, La Paz, Dulag, MacArthur, Tanauan, Palo, Burauen, Pastrana, Mayorga, ug dakbayan sa Tacloban.<\/p>\n\n\n\n
Nunot niini, mukabat na sa 5,585 ka mga baboy nga apektado sa ASF ang gi-dispatsar o gipatay dinhi sa rehiyon.<\/p>\n\n\n\n
Ang mga sintomas sa ASF susama sa naandan nga Hog Cholera. Adunay mga haemorrhages o mga pagpula sa panit sa baboy hilabi na sa tumoy sa dunggan, sa tiyan, ug sa mga tiil. Aduna usay hilanat ang baboy, walay gana mukaon ug gamay nga tubig lang ang imnon, magluya, magsuka-suka, ug magkalibanga.<\/p>\n\n\n\n
\u201cNotifiable\u201d o masabtan ang ASF mao nga kung adunay mga sintomas ang usa ka baboy\u2019ng binuhi nga susama sa ASF, ireport gilayon kini sa lokal nga municipal\/city agriculture office. Usa usab nga paagi aron makumpirmar kini mao ang blood samples (sampol sa dugo) o sa organs aron ma-estudyohan kini. Ang usa ka baboy nga adunay ASF seguradong mamatay maong importante nga dili kini makatakod ug mapugngan ang pagkatap niini.<\/p>\n\n\n\n