Nahuman na pagpananom ang sagad sa mga mag-uuma sa lungsod sa Abuyog alang sa wet cropping season. Insakto kining higayuna aron ipahibaw kanila ang hinungdan sa mga sakit sa humay ug mga peste nga dayon mu-atake human sa pagtanom.<\/p>\n\n\n\n
Niadtong Disyembre uno ning tuiga gipahigayon ang pagbansay-bansay mahitungod sa PalayCheck 7 diin gipasabot ang saktong pagkontrolar sa mga peste nga muatake sa humayan. Kining hisgutanan mao ang gitudlo ngadto sa mga mag-uuma sa Can-Ta Irrigators\u2019 Association Incorporated.<\/p>\n\n\n\n
Gipangunahan ang maong pagbansay-bansay sa mga taga Regional Crop Protection Center kun RCPC sa Department of Agriculture Regional Field Office -VIII.<\/p>\n\n\n\n
Usa nila si Lutgarda Francisco, Head sa DA-RCPC, ug ang resource person mahitungod sa mga peste nga muatake sa humayan. Samtang si Violeta Tiempo, Senior Science Research Specialist usab ang nag-edukar bahin sa mga sakit sa humay.<\/p>\n\n\n\n
Nahibaw nang daan ang mga mag-uuma niining mga peste ug mga sakit nga gipanudlo. Apan, mao pa lamang ang ilahang pagkasabot nga adunay mga natural nga pamaagi sa pagkontrol niini.<\/p>\n\n\n\n
Usa na nila si Antonio Cubian Sr., nagpangedaron og 76 anyos ug adunay kapin lima ka dekada nga eksperinsiya sa pag-uma.<\/p>\n\n\n\n
Sumala kang Antonio, iyaha nang naandan ang pagpang-ispri og lainlaing kemikal kon adunay insekto ug mga sakit ang iyahang tanom.<\/p>\n\n\n\n
Kining paagiha ang gilimitahan sa Integrated Pest Management o IPM diin uwahi nang buhaton ang pagpanggamit ug kemikal aron malikayan usab ang pagkadaot sa mga higalang insekto sa humayan nga maoy muunay pagpatay sa mga peste.<\/p>\n\n\n\n
Ugsa mahuman ang pagbansay-bansay, si Francisco nagkanayon nga ang pinakaepektibong pamaagi aron malikayan ang pagkatap sa mga peste ug mga sakit sa humay mao ang adlaw-adlaw nga pagbisita sa basakan. Ug mao kini ang wala malimte ni Antonio tungod kay naandan na usab niyang susihon ang kahimtang sa iyahang mga tanom matag-adlaw. (Maryjane Cubian\/DYDC-FM Intern)<\/p>\n","protected":false},"excerpt":{"rendered":"
Nahuman na pagpananom ang sagad sa mga mag-uuma sa lungsod sa Abuyog alang sa wet cropping season. Insakto kining higayuna<\/p>\n","protected":false},"author":2,"featured_media":1539,"comment_status":"closed","ping_status":"closed","sticky":false,"template":"","format":"standard","meta":{"footnotes":"","_jetpack_memberships_contains_paid_content":false},"categories":[1,4],"tags":[],"yoast_head":"\n