Kapin sa singkwentay singko mil ka mga mag-uuma sa humay dinhi sa Silanganang Kabisay-an ang nakatakdang makapahimulos sa programa sa Department of Agriculture (DA) nga mao ang Rice Competitiveness Enhancement Fund \u2013 Rice Farmers Financial Assistance kun RCEF-RFFA.<\/p>\n\n\n\n
Si DA Secretary William D. Dar nagkanayon nga ang cash assistance program gikan sa tres bilyones pesos nga sobra nga koleksyon sa mga taripa sa bugas.<\/p>\n\n\n\n
Dugang pa ni Dar nga sa inisyal nga pondo, makabenepisyo ang kapin sa 600,000 ka kwalipikado\u2019ng mag-uuma sa humay nga nagtikad og duha ka ektarya paubos. Ang matag usa makadawat og cash assistance nga singko mil pesos (P5,000).<\/p>\n\n\n\n
Bisan pa niini, silang tanan kinahanglan gihapong marehistro sa updated Registry System for Basic Sectors in Agriculture (RSBSA), nga sagad gikan sa local government units (LGUs).<\/p>\n\n\n\n
Dugang pa, ang cash assistance gipang-apud-apod pinaagi sa government financial institutions (GFIs) sama sa Development Bank of the Philippines ug LandBank nga mahimong mogamit og lain-laing paagi sa pag-apod-apod ug pagbayad sa RCEF-RFFA grants.<\/p>\n\n\n\n
Sakop sa Rice Farmers Financial Assistance Program (RFFAP) ang 33 ka probinsya diin ang mga mag-uuma sa bugas naapektuhan sa pag-us-os sa presyo sa humay o wala gigaling nga bugas.<\/p>\n\n\n\n
Subay niini, P385.2 milyones ang ipagawas para sa mga mag-uuma sa Rehiyon 8 pinaagi sa Development Bank of the Philippines ug sa Land Bank.<\/p>\n\n\n\n
Kini nga mga detalye, gipahibalo ni Secretary Dar pinaagi sa usa ka video message nga gipasalida atol sa paglusad sa RCEF-RFFA nga gipahigayon didto sa Oriental Hotel, Palo, Leyte.<\/p>\n\n\n\n
Hinuon, bisa\u2019g masabot nga dili tanan makapahimulos niining unconditional cash grant, daghan gihapon ang mibati ug natandog sa kamatinud-anon sa kasamtangang administrasyon. Hilabi na tungod niini mamenosan ang gipas-ang kalisud sa mga mag-uuma nunot sa pandemya. (Jessa M. Saladaga\/DYDC-FM Intern)<\/p>\n","protected":false},"excerpt":{"rendered":"
Kapin sa singkwentay singko mil ka mga mag-uuma sa humay dinhi sa Silanganang Kabisay-an ang nakatakdang makapahimulos sa programa sa<\/p>\n","protected":false},"author":2,"featured_media":1528,"comment_status":"closed","ping_status":"closed","sticky":false,"template":"","format":"standard","meta":{"footnotes":"","_jetpack_memberships_contains_paid_content":false},"categories":[1,4],"tags":[],"yoast_head":"\n