Si Dr. Gabrillo usa ka magtutudlo, tigpanuki-duki u glider sa VSU kinsa aduna nay kapin duha ka dekada nga kasinati-an sa natad sa development communication – ang karera nga iyang gipili sukad pa sa iyang bachelor’s degree hangtod na sa iyang doctorate degree. Nakuha ni Dr. Gabrillo ang iyang bachelor’s ug master’s degrees sa VSU samtang ang iyang Doctor of Philosophy (Ph.D.) degree iyang nakuha sa University of the Philippine Los Baños (UPLB).

Sa pagsugod sa iyang karera sa akademya, nagtudlo si Gabrillo og mga broadcasting courses (pagsibya) sa mga undergraduate DevCom students, nagpahigayon og mga communication research ug extension projects ug nagsilbi isip program host ug announcer sa kanhi VSU Radio DYAC-AM, nga karon mao na ang VSU Radio DYDC-FM (usa ka public service ug extension broadcast facility sa VSU).

Samtang nagsugod ang karera ni Gabrillo isip usa ka lider dihang nahimo siyang Station Manager sa kanhi DYAC gikan 2006 hangtod 2009. Human niini, nakabaton usab siya og mas taas nga leadership roles sama sa VSU Open University, Multimedia Development Center (MMDC), ug VSU Printing Press.

Human siya makagradwar sa iyang PhD, subli kining natudlo isip Station Manager sa DYDC-FM gikan sa 2013 hangtod 2021. Sa susamang higayon, nagsilbi usab siya isip labaw sa VSU Department of Development Communication sa walo ka tuig.

Ang liderato ni Gabrillo ang nag-awhag niini nga musalmot sa Asia Pacific Leadership Program (APLP) sa East-West Center (EWC) sa Honolulu, Hawaii niadtong 2019. Ang maong programa mingdagan og lima ka buwan diin gipahigayon kini sa India, California ug Hawaii, USA. Ang APLP usa ka programa nga nagdebelop og mga lider nga makapalambo sa personal, team ug community coordination pinaagi sa epektibo nga leadership nga stratehiya. Giisip kini ni Gabrillo nga usa ka dakong oportunidad aron mapalambo pa ang iyang pagdala sa duha ka opisina nga mao ang DDC ug DYDC-FM radio station.

Human makalampos ug mahimong EWC-APLP fellow, naghimo dayon si Gabrillo og usa ka project proposal diin gi-aprobahan kini ug gipondohan sa EWC. Kini mao ang paghimo og community radio drama kabahin sa disaster preparedness nga gilunsad niadtong Disyembre 2019.

Lakip sa iyang paghuman sa APLP sa 2019 mao ang nagpadayong School-on-the-Air (SOA) on visual arts for mental health and environment protection diin 120 ka mga junior ug senior high school students ug teachers sa Baybay City ug Southern Leyte Divisions and mingsalmot sa unom ka semana nga online classes. Gitan-aw nga mahuman ang maong proyekto sa Septembre 2021.

The post Dr. Christina A. Gabrillo: Ang babaye luyo sa SOA for Visual Arts, Mental Health and the Environment appeared first on DYDC 104.7 FM.

Ang maong SOA bunga sa pagpaningkamot ni Dr. Christina A. Gabrillo, ang Head sa Department of Development Communication kun DDC ning tunghaan.

Na-aprobahan ang maong proposal ni Dr. Gabrillo diin pondohan kini sa East-West Center (EWC) sa Hawaii, USA. Ang maong proyekto tipik sa 2021 EWC Innovation for Sustainable Development Fellows dungan sa ubang kinse ka proyekto sa Asya ug Amerika.

Ang maong educational broadcast naka-angkla sa Sustainable Development Goals kun SDG No. 3 nga Good Health and Well-being ug SDG No. 13 nga Climate Action.

Sulod sa usa ka buwan, adunay mahitabo nga modular virtual arts lessons nga i-sibya ning estasyon ug i-broadcast usab sa official Facebook Page sa VSU. Ang tanang mga lessons susama sa real classroom setup sama sa pagkuha sa attendance, paghatag sa leksyon, paghatag og mga quiz ug exams, ug uban pa.

Ang maong educational program ang pinaka-unang matang sa paghatag sa leksyon sa virtual arts gamit ang radyo ug social media.

Target nga mga entrante sa maong proyekto ang mga junior ug senior high school students nga na-enroll sa Music, Arts, Physical Education, and Health (MAPEH) lakip na ang mga estudyante nga na-enrol sa Special Program for the Arts sa Department of Education (DepEd).

Si Prof. Jude Nonie Sales, usa ka magtutudlo sa DDC ug ang bag-o nga Head sa Culture and the Arts Center (CAC) sa VSU ang main resource person sa maong proyekto. Makauban usab niya si Ariana Loehr, 2019 East-West fellow nga nakabase sa London, United Kingdom.

Target sa maong radio program nga maka-enroll og 100 ngadto sa 120 ka mga estudyante diin libre sa ilang klase ang visual art kits sama sa canvas, inks, ug brushes. Makadawat usab og libreng electronic load ang mga estudyante.

Human sa maong proyekto, ilunsad ang virtual coffee table book nga nagpasundayag sa singkwenta ka mga pinakanindot nga obra sa mga entrante.

Samtang, mamahimo usab nga muapil ug maminaw sa broadcast ang tanan nga interisado.

Sa iyang bahin, malaumon si Dr. Gabrillo nga mas mulambo pa ang maong programa ug mahimong tinubdan sa impormasyon kabahin sa visual arts dili lang sa mga MAPEH students kun dili lakip na ang mga magtutudlo sa MAPEH.

The post Bag-ong School-on-the-Air Program ilunsad sa DYDC-FM appeared first on DYDC 104.7 FM.