Search for the Barangay Solid Waste Management Champion, ilunsad sa dakbayan!

Ilunsad sa dakbayan sa Baybay ang Search for the Barangay Solid Waste Management Champion karong buwan sa Hunyo, dos mil baynte uno.

Ang maong kalihokan tipik sa kasaulogan sa Philippine Environment Month diin adunay piliong Model Barangay for Ecological Solid Waste Management (ESWM).

Angayang masayran nga ang buwan sa Hunyo, gideklarang Philippine Environment Month pinaagi sa Proclaimation No. 237 nga gipirmahan kaniadtong 1988 ni kanhing-Presidente sa Pilipinas nga si Corazon Aquino.

Tumong niining mapauswag pa ang panimuot sa mga Pilipino bahin sa kinaiyahan.

Pakigduyog usab kini sa World Environment Day nga gisaulog matag Hunyo singko.

Matod pa sa Baybay City Updates,ang opisyal nga Facebook page sa dakbayan, abli ang Search for the Barangay Solid Waste Management Champion sa tanang nobentay dos ka mga barangay sa dakbayan.

Ang mosalmot nga barangay kinahanglan lang nga magsumite og Entry Form ug Self-Assessment Form sugod sa Mayo tres hangtod Mayo katorse dos mil baynte uno.

Ang mga mosalmot nga mga barangay hukman sa musunod nga mga panukdanan:

a. Implementation of Segregation at Source (20 pts)

b. Compliance to Segregated Collection (25 pts)

c. Operation of Materials Recovery Facility (35 pts)

d. Active Barangay ESWM Committee (20 pts)

Sugdan sa validating team ang ilang pag-hukom sa mga partisipante  sa Hunyo uno ug ipahigayon ang pagganti sa mga mananaog sa Hunyo dise says karong tuiga.

Tulo ka mga barangay ang piliong mananaog sa maong search. Ang palarong makakuha sa 1st prize makadawat og traynta mil ka pesos, ang second prize baynte mil ka pesos ug ang third prize, dyes mil ka pesos.

Aduna say lima nga mga barangay nga pillion nga makadawat og singko mil ka pesos isip consolation prizes ug mananaog sa tulo ka mga special awards, ang Best in Waste Recycling, Best in Composting ug Best in Organic Gardening.

Apan, sigon ni City Mayor, Hon. Jose Carlos L., Cari ang cash prize nga madawat sa modaog nga mga barangay kinahanglang gamiton alang sa mga programa sa kalikopan ug / o mga proyekto sa ilang tagsa-tagsa nga mga barangay. (Perlyn Fernandez)

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort