Pre-registration sa CVM sa libreng rabies vaccine, spay ug castration sa mga hayop sarado na

Sarado na ang pre-registration sa libreng rabies vaccine, spay ug castration sa mga binuhing iring ug iro nga gipasiugdahan sa College of Veterinary Medicine sa Visayas State University kun VSU.

Ang libreng veterinary services gidalit sa CVM isip tipik sa kasaulogan sa ika nobentay siyete nga annibersaryo sa pagkatukod sa VSU. Ang usa ka semana nga kasaulogan pagasugdan ugmang adlawa Abril baynte uno ug mahuman sa Abril baynte otso ning tuiga. Ang tema karong tuiga mao ang “Facing Challenges and Creative Innovation for the New Future”.

Matud pa ni CVM College Dean Dr. Santiago Peña Jr., ilang gipahigayon ang libreng pagspay sa mga iring ug pagkapon o castrate sa mga iro ug iring aron mamenosan ang overpopulation ug pagpang-abandonar sa mga hayop. Ang spaying ug castration usa ka operasyon nga magpahunong sa usa ka hayop nga makaanak.

Kini usab makatabang aron dili maglisod og pag-amoma ang pet owners sa daghang hayop. Sa mga alagang hayop nga na-operahan na, makatabang usab kini aron malikayan ang sakit sama sa cancers, prostate disease, uterine diseases, ug uban pang impeksyon.

Ang online pre-registration gisugdan niadtong Abril dise sais ug mahuman ugmang adlawa apan sa pagsuwat ning balita, puno na ang slots alang sa pre-registration.

Human sa pre-registration mao ang confirmation registration diin padalhan og text message ang mga nagparehistro kung ugaling nalakip sila sa napili nga maka-apil sa libreng serbisyon sa CVM. Ang confirmation registration ipahigayon sa Abril baynte dos hangtod baynte tres.

Angayang masayran nga ang spaying ug castration abli lang sa mga mulupyo sa sulod sa VSU Campus.

Ang tanang kalihukan sa CVM mahitabo sa Abril baynte kwatro. Ipahigayon ang libreng spay ug castration sa CVM Building samtang ang libreng pagbakuna batok sa rabies ipahigayon sa VSU Market. (Buen Josef C. Andrade)

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort