Pinaka-unang Virtual Art Exhibit, gilunsad sa VSU

Pormal nang gilunsad sa Visayas State University VSU ang pinaka-unang Virtual Art Exhibit nga giulohang “Liminal Spaces” kagahapon Abril baynte uno sa alas onse ang takna sa Facebook Live.

Ang exhibit tipik sa mga nakalinyang kalihukan sa VSU sa pagsaulog sa ika nobentay siyete nga tuig sa pagkatukod sa tunghaan gikan sa Abril baynte uno hangtod baynte otso. Ang exhibit period gisugdan kagahapon ug mahuman sa umaabot Mayo dise siyete ning tuiga.

Onse ka mga artists nga miyembro sa Visual Arts Association of Baybay kun VAAB, usa ka grupo sa mga artists nga nagtrabaho sa VSU ug sa dakbayan sa Baybay, ang nangulo sa maong group art exhibit.

Gisalmutan ang art exhibit nila ni Buen Andrade, Lolito Caña, Mizael Cerna, Dazzilyn Montes, Roger Pernites, Dicoper Pernites, June Nonie Sales, Bebot Flandez, Jessie Bonnie Bazalo, Marvin Alidro, ug Pauline Cari-Perez.

Mahimong makita ang mga artworks sa Facebook Page sa Visayas State University diin pwede kining mapalit sa reasonable nga presyo.

Angayang masayran nga parte sa kita sa mga mabaligya’ng artworks ihatag sa Tabang Mo Kaugmaon Ko scholarship program sa VSU Alumni Association Inc. pinaagi sa Alumni and Community Relations Office kun ACRO.

Sa iyang mensahe, gidasig ni VSU President Dr. Edgardo E. Tulin ang publiko nga musuporta sa art exhibit pinaagi sa pagpalit sa mga artworks o sa pagpasabot sa uban bahin ning maong kalihukan.

Sa iyang bahin, gidayeg usab ni kanhi Baybay City Mayor Carmen L. Cari ang lakang sa tunghaan sa pagpahigayon sa virtual art exhibit aron mapromote ang mga local artists, makahatag og scholarship, ug aron usab mapasabot sa publiko nga bisan pa man sa gi-atubang nga pandemya, anaa gihapoy pag-asa.

Angayang masayran nga namugna ang maong virtual art exhibit, sukwahi sa mga nanglabay nga face-to-face art exhibit, aron malikayan ang pagkatap sa COVID-19 virus. Sagad usab nga mga aktibidades sa VSU Anniversary gipahigayon pinaagi sa internet o online.

Kagahapon usab pormal usab nga gibuksan ang Flower and Garden Show ug Live online Selling as mga ornamental nga tanom.

Sa mga interesado nga mutan-aw sa mga artworks, mamahimo lang nga mu-bisita sa Official Facebook Page sa Visayas State University.  (Buen Josef C. Andrade)

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort