Mga “frontliners” gipasidunggan sa VSU pinaagi sa usa ka online singing contest

Malampusong gipahigayon sa Visayas State University (VSU) ang pinaka-unang Virtual Singing Competition nga gi-ulohang “Handog sa mga Frontliners” niadtong Abril baynte siyete sa gabie.

Dise sais ka mga mangindahay ang misalmot sa indigay diin napulo lamang ang nagmalampusong naapil sa Top Ten ug nagtigi atol sa gipahigayong Grand Finals niadtong Martes sa gabii.

Ang bangga sa awit gipahigayon pinaagi sa Zoom, usa ka online platform, aron makit-an kini sa Official FB page sa VSU og ma-view sa tanang FB users sa tibook kalibutan.

Sa pakighinabi sa chairman sa Committee on the Virtual Singing Contest nga si Mr. Freddy Baldos, iyang gibutyag nga ang maong indigay gihimo isip tipik sa kasaulogan sa anibersaryo sa maong tunghaan. 

Ang maong aktibidad gipahinungod sa tanang mga frontliners dili lamang dinhi sa Pilipinas kon dili lakip na s sa tibuok kalibutan tungod sa ilang mapadayunon nga pagserbisyo sa katawhan ning panahon sa pandemya.

Dugang ni Baldos nga sa indigay sa pag-awit gipahibalo daan nga ang awit nga ilang mapilian nga kantahon kinahanglan makahatag ug kadasig o inspirasyon sa tanang mga frontliners ug kinahanglan Original Pilipino Music (OPM) ug Filipino ang nagtagik niini.

Si Doreen Alba mao ang gi-deklarang Grand Champion sa indigay sa pag-awit.

Nakuha ni Doreen Alba, usa ka empleyado sa Supply Property Management Office, ang unang ganti Grand  diin iyang gi-awit ang “Kumapit Ka Lamang”.  Ikaduha si Angel Roch Abocejo, second year nga estudyante sa kursong BS Development Communication, diin iyang gi-awit ang “Bukas Wala Nang Ulan”. Ug ang nakakuha sa ikatulong ganti mao si Joanna Grace Dueñas, usa usab ka second year nga estudyante sa kursong BS Development Communication, pinaagi sa iyang anindot nga awit “Bagani”. Ang unang ganti nakadawat og singko mil pesos, kwatro mil pesos sa ikaduhang ganti, ug tres mil pesos sa ikatulong ganti. Nakadawat usba sila og certificates.

Samtang nakadawat og consolation prizes nga tag 1,000 pesos ug certificates ang mga nakasulod sa Grand Finals.  Sila mao si Niña Verna Gloria, Maricar Ann Tabiolo, John Paul Edo, Jun Gracesar Polea, Mc Japhet Aaron Tayum, Rencel Celocia, ug Heziel Mae Joy Pitogo.

Ang mga pinasidunggang hurado niadtong gabhiona gilangkuban nila ni Roberto del Rosario kinsa ang punong hurado ug si Darlane Yap ug Dennis Gregory Sugarol isip mga miembro.

Ang tagdumala sa maong programa mao sila Raymund Igcasama ug Riza Mae Maningo.

Ang komitibang gisangonan sa maong kalihukan mao sila Dr. Aleli Villocino, Overall Coordinator; Freddy Baldos, Committee Chairman; Kevin Sumayang, Annie Famela Rodriguez, Chesza Ruth Zabala, ug Maria Elena Guy-ab, isip miembro sa maong komitiba. (Sinuwat ni Fred Leander M. Baldos, VSU Integrated High School Student Intern)

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort