“Kanta sa Kalikupan” Jingle Making Contest, ipahigayon sa dakbayan!

Agi’g pagsaulog sa Philippine Environment Month sunod buwan sa Hunyo, naglunsad ang dakbayan sa Baybay og usa ka Jingle-Making Contest.

Giuluhan ang jingle making contest sa dakbayan og “Kanta sa Kalikupan.”

Matod pa sa post sa official Facebook (FB) page sa dakbayan, ang Baybay City Updates, abli ang indigay sa tanang mga Baybayanon.

Pinauyon sa mechanics ug guidelines niini, kinahanglan nga orihinal nga gam-on sa partisipante ang jingle gamit ang binisayang pinulongan.

Ang entry nga isumite usab kinahanglang wala gigamit sa uban pang kompetisyon.

Ang unod o content sa awit kinahanglang sad nga sadya ug makadani ug gi-highlight ang tukmang paglain-lain sa basura, pagpakunhod sa paggamit og plastik ug pagpanalipod sa kinaiyahan.

Apan, angayang hinumdoman nga ginadili ang paggamit og mga pulong nga makahatag og kasubo ug kawalag pagtahod.

Mahimong mogamit ang kompositor og bisan unsang instrumento sa musika alang sa pagduyog sa awit.

Kinahanglang modagan sa usa ngadto sa duha ka minuto ang jingle ug naka-mp3 fomat ug naka-save sa Universal Serial Bus (USB) o Compact Disc (CD).

Ang deadline sa pagsumite sa mga entry karong umaabot Hunyo singko dos mil baynte uno.

Gitataw sad nga wala na gikinahanglan ang introduksiyon ug eksplinasyon sa jingle.

Ang mga palarong modaog sa indigay adunay madawat nga ganti.

Ang mananaog sa Grand Prize makadawat og P10,000.00 ug gamiton ang iyang entry isip official jingle sa Solid Waste Management and Environmental Campaigns sa dakbayan.

Aduna say limang piliong nga makadawat og consolation prize nga P1,000.00.

Ibutyag ang mga mananaog sa Hunyo dise says dos mil baynte uno.

Alang sa dugang kasayuran, mahimong bisitahon ang Baybay City Updates FB Page.

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort