Eastern Visayas, nakatala’g labing taas nga kaso sa COVID-19 sukad tuig 2020!

Subling nakatala ang Department of Health (DOH)- Eastern Visayas karong adlawa, Hunyo dyes dos mil baynte uno og labing taas nga kaso sa COVID-19 dinhi sa rehiyon.

Gikan sa 361 nga mga bag-ong kasong natala kagahapon, misaka ang mga kompirmadong kaso sa rehiyon karong adlawa ngadto sa 572.

Ang mga datos sa mga bag-ong kaso sa COVID-19 karon ug kagahapon, mao ang labing taas nga kasong natala sa usa ra ka adlaw, sukad tuig dos mil baynte.

Ang 572 nga bag-ong gikumpirma nga mga kaso gikan sa mga mosunud:

Tacloban City -112

Ormoc City-28,

Leyte-163,

Southern Leyte- 82

Northern Samar-123

EASTERN SAMAR-15

SAMAR-44

BILIRAN-5

Kagahapon, pinaagi sa opisyal nga facebook page sa DOH-Eastern Visayas, nipahayag si Officer-In-Charge Regional Director Exuperia Sabalberino nga makaalarma ang kahimtang karon sa rehiyon.

Matod pa niya, ang pagsaka sa ihap sa mga kaso dinhi nagpamatuod nga nahimong kampante ang mga katawhan, hinungdan nga padayon silang mohangyo sa publiko nga sundon ang minimum standard health protocols lakip na ang dili paggawas sa mga panimalay kung dili kinahanglan.

Dugang pa ni Sabalberino nga dili karon ang panahon aron magkompyansa. Ang kahimsog ug kaayohan sa pamilya ang labing mahinungdanon busa giaghat niya ang tanan nga mahimong mabinantayon sa posibilidad sa padayon nga pagkaylap sa virus.

Samtang, giawhag sa departamento ang Local Government Units (LGUs) nga motabang sa pagpahibalo sa katawhan mahitungod niini ug abton ang mga tawong nanginahanglan og tabang.

Nihangyo usab sila ngadto sa mga LGUs nga ipadayon ang paspas nga pag-contact trace sa bag-ong gikompirma nga mga kaso.

Buot sa DOH nga masigurong ang tanan nga adunay contact sa maong mga kaso, gilayon nga masusi ug mapasilitar samtang padayon nilang labing gipaningkamutang   ma-update ang publiko bahin sa ihap sa mga kaso sa covid-19 dinhi sa rehiyon sa matag adlaw lakip na ang ilang mga pamaagi aron makatabang sa pagpakgang sa virus.

Hangyo usab nila nga padayong motabang ang publiko kanila pinaagi sa kooperasyon niini.

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort