Baybay City Environment Office, gipasabot ang Solid Waste Management ordinance sa dakbayan

Gi-awhag karon sa Baybay City Environment and Natural Resources Office ang mga mulupyo ni’ng dakbayan nga musunod sa mga palisiya nga gipanday sa kagamhanan sa hustong paglabay sa ilang basura.

Atol sa Special Edition sa He Says, She Says Radio program sa milabay’ng semana, gipasabot ni City Environment Officer Engr. Maria Victoria Jabines ang unod sa Solid Waste Management Ordinance sa Baybay City.

Gipasabot ni Engr. Jabines nga gi-awhag ang katawhan sa pagmenos sa ilang basura pinaagi sa pagcompost sa mga malata nga basura, pagre-use sa pwede pa’ng magamit nga basura, pagbaligya sa mga ma-recycle nga basura, diin ang residual o dili mapahimuslan nga basura na lang ang ilabay.

Gi-awhag usab ni Engr. Jabines ang ka-importante sa pagsegregate o paglahi-lahi sa mga matang sa basura aron mas dali na kining maproseso o malabay sa solid waste management facility nga nahimutang sa Barangay Buenavista ning dakbayan.

Dugang pa, gipasabot usab sa opisyal ang bag-ong ordinansa sa dakbayan nga no plastic days matag Martes ug Sabado.

Kini mao ang pagbawal sa mga negosyo sa pagputos sa ilang mga produkto gamit ang single use plastic ug pag-awhag sa mga konsumidor sa pagdala og ilang kaugalingon nga sudlanan kung mamalit kini.

Gipasabot usab sa Baybay City ENRO nga aduna silay mga kalihukan sama sa Search for the Barangay Solid Waste Management Champion ug Kanta Sa Kalikupan Jingle-making Contest aron sa pag-aghak sa mga barangay ug indibidwal sa hustong solid waste management. Gitataw usab ni Engr. Jabines nga adunay plano ang lokal nga kagamhanan sa pagpangulo ni Mayor Jose Carlos L. Cari nga maghimo og waste water treatment facility sa dakbayan.

Ang maong episode tipik sa kasaulogan sa ika-baynte tres nga pagkatukod sa Institute of Tropical Ecology and Environmental Management kun ITEEM sa Visayas State University.

beylikdüzü escort titan jel kilo verme bahçe dekorasyonu evde ek gelir eskişehir haber sondakika haberleri magazin haberleri kayseri escort