Pagpang-ayo sa mga linya sa kuryente nga sakop sa LEYECO IV, paspas nga gipahigayon – DYDC 104.7 FM
FeatureNewsNews

Pagpang-ayo sa mga linya sa kuryente nga sakop sa LEYECO IV, paspas nga gipahigayon

HINDANG, Leyte — Padayon ang mga “Warrior of Lights” sa ilang serbsiyo sa pag-ayo sa mga linya sa kuryente nga naguba sa Bagyong Odette sa mga lugar nga sakop sa LEYECO IV.  Mao kini ang mga lugar sa gikan sa lungsod sa Matalom hangtod sa dakbayan sa Baybay.

Taliwala sa mga pag-uwan sa mga nangaging adlaw ug bisan paman sa adlawng dominggo, nahimong posible ang pagrestore sa main lines ug sa service drop wires sa mga member-consumer-owners sa kuryente. Kini tungod sa teamwork ug dugang nga Task Force Kapatid 157 gikan sa LEYECO II ug III ug lakip usab ang tabang gikan NORSAMELCO.

Ang clearing operation sa mga wires nga natumbahan sa kahoy nahimong paspas gumikan sa tagbo nga gibuhat sa mga katawhan sa ilang tagsa-tagsa ka lugar, aron dali ug matabangan ang atong warrior of lights.

Matod pa sa bag-ong update sa LEYECO IV ubay-ubay na ang lugar nga nabutangan og kuryente, mao kini ang mga lugar sa Sitio Tinago Brgy. Candadam Baybay City, Brgy. Jaena Baybay City, Brgy. Maitum Baybay City, Brgy. Doos del Norte Hindang, Brgy. Tabok, Hindang, Brgy. Lunang Hilongos, Brgy. Catandog Hilongos, ug ang Bato School of Fisheries.

Gilauman usab nga mas madugangan pa ang mga lugar nga maka tap sa kuryente tungod sa teamwork nga gipakita sa nagkalain-lain nga sektor sa kuryente. (Kim Christine Boja/DYDC-FM Intern)