Polvoron-making, gipadayon isip panginabuhi-an sa mga kababayen-an sa Abuyog

ABUYOG, Leyte — Gipadayon sa katorse ka mga kababayen-an sa Brgy. Tabuige ug Sitio Canario ning lungsod sa Abuyog ang pagpanghimo og polvoron isip panginabuhian human kini nahungong tungod sa pandemya.

Dugang pa ni Anacorita Tero, daghan na ang ningsuway pagkopya sa ilahang risipi apan walay nakasundog niini.

Gipamaligya ang mga polvoron og tag singko pesos ang buok apan kwatro pesos lamang kung dinaghan ang pagpalit niini.

Usa sa nangompra sa maong polvoron atol sa pagsuwat ni’ng balita ang Abuyog Pasalubong Shop nga anaa nahimutang sa Brgy. Tabuige ug duol ra kaayu sa himuanan niini.

Matud pa ni Maribel Asuncion nga maoy nangulo sa polvoron-making, nga bisan pa man sa pandemya, kapin baynte mil na ang ilang halin sa kada buwan nilang pagpanghimo sa polvoron ug natakda kining bahin-bahinon sa ilang mga miyembro. Dako ang kalipay ni Anacorita ug iyang mag-uuma nga bana ning maong panginabuhian tungod kay mao na kini ang ilahang ipamalit kada tuig aron ipanghikay sa matag pasko.

Sumala usab sa mga miyembro niining panginabuhian, mamahimo pang muapil ang bisan kinsa nga interesadong kababayen-an nga lumulupyo usab sa Brgy. Tabuige ug Sitio Canario. (Maryjane Cubian, DYDC-FM Intern)