Pagrilis sa Tulong Dunong Program-TES Stipends, gisugdan alang sa kapin 200 nga VSU grantees
Gisugdan na niadtong Nobyembre baynte singko hangtod baynte sayis ang pagrilis sa mga allowance gikan sa Commission on Higher Education kun CHED Tulong Dunong Program-Tertiary Education Subsidy (TDP-TES) para sa mga estudyante sa Visayas State University kun VSU.
Ang maong kahilokan gipahigayon ngadto sa atubangan sa VSU Guard Post 1 nga gidumala usab sa mga kawani sa Student Services Office sa VSU.
Nasayran nga, matag estudyante nahatagan og siyete mil kinyentos pesos (P7,500) aron matabangan sila sa ilang mga panginahanglan sama karun nga online classes ug panahon sa pandemya.
Matod pa kang Ms. Jessa Mae Libres, usa ka TDP-TES grantee, dako ang iyang pasalamat sa maong ayuda.
Sa laing bahin, ang mga estudyante nga wala pa naka-claim sa maong stipend atol sa ilang ekedyul, gihatagan gihapon og lugway aron makakuha sa maong TDP-TES allowance niadtong Nobyembre baynte nwebe ning tuiga. (Jessa M. Saladaga/DYDC-FM Intern)
