Lungsod sa Merida Hingpit nga Gipangandaman ang Bagyong Odette

MERIDA, Leyte — Puspusan ang pagpangandam sa katawhan sa lungsod sa Merida atol sa bagyo nga panganlag “Odette”  kon mosulod kini sa Philippine Area of Responsibility (PAR) sa adlawng Martes, Disyembre katorse, ning tuiga.

Nasayran nga ang maong bagyo mo landfall sa Eastern Visayas ug  Caraga area sa Disyembre kinse o di kaha sa Disyembre dise says, ning tuiga. Mipahibalo ang Department of Science and Technology – Philippine Atmospheric, Geophysical and Astronomical Services Administration kon DOST-PAGASA nga makasinati og kusog nga paghangin ug pag-ulan ang maong mga lugar nga agian sa bagyo.

Nag-awhag ang lokal nga kagamhanan sa Merida sa tanang sakop niini sa pagpangandam sa umaabot nga bagyo. Hugot usab nga mipahibalo sa publiko ang Philippine National Policeman (PNP), Merida Disaster Risk Reduction and Management Office ug ang Bureau of Fire Protection (BFP) sa lungsod sa mga angay nga buhaton sa wala pa ang bagyo. Andam na usab ang mga evacuation center sa matag barangay lakip na ang Merida emergency hotline para sa pag-abot og tabang sa panahon na sa sakuna.

Kahinumduman niadtong tuig dos mil trese, mikuso-kuso ang super typhoon Yolanda sa nasod. Sa wala damha, daghang kinabuhi ang naangol ug ang mga kabtangan napapas. Sa otso ka-tuig na nga milabay, presko pa gihapon ang mga kasinatian sa katawhan diin maoy nakapapukaw kanila og unsa ka importante ang pagpangandam. Si Mrs. Jackie Jordan,  47 anyos ug pamilyado. Sa niaging bagyong Yolanda, usa siya sa mga katawhan sa Merida diin ang tanan nilang kabtangan lakip na ang abot nila sa uma nahanaw. Ania ang tipik sa pakighinabi nato kang Mrs. Jackielyn kabahin sa ilang pagpangandam kauban ang iyang tibuok pamilya sa umaabot na bagyong Odette. (Jelyn D. Tumulak/DYDC-FM Intern)