Produksyon sa Bangus sa Nasud ni taas karung Tuiga!
Sumala sa Bureau of Fisheries and Aquatic Resources o BFAR makanunayon ang pagtaas sa produksyon sa bangus karung tuiga.
Sa gipagawas nga datus sa Philippine Statistics Authority, nisaka kini og 8.3% sa unang 6 ka buwan ning tuiga.
Nakapag-tala ang PSA og 184,926.7 metric tons sa bangus sa katapusan sa hunyo kompara sa 170,755 metric tons niadtong Hunyo sa niaging tuig.
Nasuta nga ang region 12 ang adunay pinakataas nga growth rate diin nikabat sa 116%. Gisundan kini sa NCR nga adunay 99.2%, Region 7 – 40.6% ingon man ang ubang rehiyon sama sa Central Luzon- 30.14%, Ilocos Region – 25.71% ug Western Visayas nga mikabat sa 24.16%.
Nakapagtala usab og 40.8% nga increase sa bangus fry production sa 3rd quarter niining tuig kumpara sa niaging tuig.
Gitumbok ni BFAR National Director Eduardo Gongona ang mga hatchery nga gitukod sa BFAR alang sa local nga komunidad maoy hinungdan sa pagdoble sa produksyon sa bangus.
Dugang pa niya nga nagpakita lamang kini sa makabuluhang prinsipyo sa sustainable fishery production nga gipatuman sa Departamento sa Agricultura ubos sa giya ni Agriculture Secretary William Dar.
Nakita usab nila nga ang aktibong paticipasyon sa stakeholders usa sa rason sa pagilambo sa hatcheries og operation sa Satellite Community-Based Larval Rearing Facilities (SCBLRF) diri sa nasud nga natukod tungod pinaagi sa Bangus Fry Sufficiency Program.
Sarah Cinto-Daclizon, Kalambuan News
