PAGPAMAKUNA SA MGA MENOR SA BAYBAY BATOK COVID-19, GISUGDAN NA
Sugdan na karong Martes, Nobyembre nwebe, ning tuiga ang Pediatric Vaccination o pagpamakuna sa mga kabataang nag-edad dose hangtod dise siyete dinhi sa dakbayan sa Baybay.
Ipahigayon kini sa Baybay City Gym diin base sa gihatag na masterlist matag barangay gikan sa Vaccination Operation Center (LVOC) ug Sangguniang Kabataan sa Baybay City, kinyentos ka slots ang gigahin para sa mga bata nga bakunahan matag vaccination schedule. Bisan pa man niini, kinahanglan gihapon sila nga magparehisro online aron ma-accommodate sa panahon sa ilang iskedyul.
Gi-awhag usab ang mga ginikanan o legal guardian sa mga bata na ubanan sila sa pagpabakuna. Sumala sa Baybay City Updates, dili pwedeng mabakunahan ang mga bata kon walay kauban nga ginikanan o legal guardian. Nunot niini, kinahanglan nila magdala og identification card o birth certificate uban sa ilang mga anak nga bakunahan.
Dugang pa, segun sa Department of Health (DOH), Moderna nga bakuna ang gamiton kay gawas sa Pfizer, gihatagaan usab kini ug Emergency Use Authorization (EUA) sa Food and Drug Administration (FDA). (Jessa M. Saladaga/DYDC-FM Intern)
