Mga PWD’s sa lungsod sa Hindang, nakadawat og tabang pinansyal
Hapsay ug nagmalampuson ang pag-apod-apod og cash assistance sa duha ka gatos ug walo (208) ka mga pili’ng indigent persons with disabilities PWD’s sa lungsod sa Hindang.
Ang Assistance for Individual in Crisis Situation (AICS) Pay-out for PWD’s, nahitabo niadtong Nobyembre nwebe sa Brgy. Bontoc covered court sa diin nakadawat og tag dos mil kwatrosyentos pesos (2,400) ang matag PWD.
Personal nga gipanghatag ang hinabang sa mga PWD’s kauban ang representante gikan sa DSWD field office sa Region 8, si Hindang Mayor Betty A. Cabal, ug ang tinugyanan sa MSWD.
Ang cash assistance para sa mga PWD’s nahimong posible gikan sa tabang ni Sen. Imee Marcos ug pinaagi usab sa pag-assist sa Municipal Social Welfare and Development (MSWD) office sa maong lungsod.
Ang katuyoan nganong gipili ang PWD’s isip tigdawat sa maong pinansyal aron makabaton sila og ikadungag nga pampalit para sa ilang pang-adlaw-adlaw nga panginahanglan sama sa tambal ug pagkaon. (Kim Christine Boja/DYDC-FM Intern)