Mga kaso sa COVID-19 sa dakbayan sa Baybay, padayon ang pagkunhod
Padayun nga mikunhod ang mga kaso sa COVID-19 ngadto na lang sa tulo dinhi sa dakbayan sa Baybay sumala sa monitoring updates gikan sa City Health Office (CHO) niadtong Nobyembre dyes, ning tuiga.
Kining maong mga kaso pulos Local Case Index apan aduna pa gihapoy duha ka mga probable COVID-19 case nga mga Local Case Index.
Dakog gitampo sa pagkunhod ang padayung pagtuman sa mga katawhan sa personal safety protocols ug ang gipakusgan nga pagpabakuna batok Coronavirus.
Bisan pa man niini, padayun gihapon ang pagsaka sa mga kaso sa COVID-19 dinhi sa Eastern Visayas. Nunot niini, padayon nga gi-awhag sa Department of Health (DOH) ug sa Lokal nga Kagamhanan sa dakbayan ang mga Baybayanon nga dili gayud mokumpyansa og padayun nga mosunod sa mga health protocols sama sa pagsul-ob ug face masks ug paglikay sa mga mass gatherings. Kini aron dili na madugangan pa ang gidaghanon sa mga confirmed COVID-19 cases dinhi sa dakbayan. (Jessa Saladaga/DYDC-FM Intern)
