Libreng Fasting Blood Glucose Test, gidalit sa mga empleyado sa VSU
Isip pag-obserbar sa World Diabetes Day, nagdalit og libreng Fasting Blood Glucose Test ang Office of the University Services for Health, Emergency, and Rescue (USHER) dinhi sa Visayas State University.
Muabot sa singkwenta ka slots ang ihatag sa buot mupahimulos sa maong libreng serbisyo. Ipahigayon ang maong free fasting blood glucose test sa karong Nobyembre dise syete ug baynte kwatro sa alas siyete sa buntag.
Lakip sa mga gikinahanglan aron maka-avail sa blood glucose test mao ang pagfasting o ang dili pagkaon sa walo ngadto sa napulo ka oras sa dili pa kuhaan og dugo; kinahanglan usa ka empleyado sa VSU Main Campus ug nag-edad kwarentay singko pataas; pwede usab ang bisan unsang edad basta overweight o obese, ug wala pa na-diagnose nga naay diabetes.
Sa mga buot musalmbot sa libreng serbisyo, mamahimo lang nga mutawag sa mga numerong 563-9196 or 09430430874 ug pangitaa si Maam Zarlin Jecel Z. Compendio aron makaparehistro.
Angayang masayran nga niadtong 2019, ang diabetes ang ika siyam sa hinungdan sa kamatayon sa kalibutan ug nagkataas ang mga kaso niini sa mga low ug middle income countries. Sigun sa World Health Organization, ang diabetes usab ang nag-unang hinungdan sa pagka-buta, kidney failure, atake sa kasing-kasing, stroke, ug pagkaputol sa mga tiil. (Buen Josef C Andrade)
