Home quarantine para sa mga fully vaccinated, gitugutan na sa Lungsod sa Hindang
Maayong balita alang sa mga mulupyo sa lungsod sa Hindang nga buot mo-uli sa lungsod gikan sa mga lugar nga adunay kaso sa COVID-19!
Sa bag-ong Executive Order (EO) No. 19 Series of 2021 nga giluwaatan sa lokal nga kagamhanan sa lungsod sa Hindang, dili na kinahanglan nga mag-quarantine sa quarantine facility ang mga indibidwal nga fully vaccinated na. Matud pa ni Hindang Mayor Betty A. Cabal niadtong Nobyembre tres, inay nga magquarantine sa quarantine facility sa lungsod ang mga fully vaccinated nga mouli, kinahanglan na lang maghome quarantine sa katorse ka adlaw.
Alang sa mga indibidwal nga partially vaccinated pa o wala pa mabakunahi, nagkinahangkan gihapon nga magpakita og negatibong resulta sa RT-PCR Test.
Samtang, sigun sa Section 6 sa maong EO, abli na pag-usab ang mga tourist destinations sa nahisgutang lugar, apan para lang kini sa mga fully vaccinated nga indibidwal. Dugang pa, aron mas malikayan ang posible nga pagkatapt sa COVID-19, gipahibalo usab nga singkwenta porsyento lang ang dapat nga maximum capacity sa mga torista nga mubisita sa mga tourist desitinations. (Kim Christine Boja/DYDC-FM Intern)
