Blood-Letting Activity Sa Merida nagmalampuson
MERIDA, LEYTE- Malampusong gipahiyon ang usa ka Blood-Letting Activity dinhi sa lungsod Merida niadtong Nobyembre 6 ning tuiga.
Ang maong aktibidad gipahigayon didto sa Merida Recreation Center diin dul-an usa ka gatos ka tao ang mitambong ug desidido nga mingdonate ug dugo.
Apan sa dili pa makuhaan og dugo, miagi una og assessment ang matag usa kanila para mahibalo-an kong kinsa lamang ang pwede ug angayan nga makadonate. Hingpit usab nga gisunod ang health protocols sa tanang katawhan nga mi-partisipar sa kalihukan.
Ang nagdumala sa maong aktibidad mao ang Alpha Kappa Rho Fraternity and Sorority (Merida Chapter) diin giabagan kini sa Merida Disaster Risk Reduction Management Office (MDRRMO), Philippine Red Cross-Leyte Chapter (Isabel Branch), ug Ormoc Tandaya Eagles Club.
Nahimong hapsay ang dagan sa nahisgutang aktibidad ug kakulian nga nahitabo niini hangtod kini nahuman. (Jelyn D. Tumulak)
