VSU Usher, magpahigayon og Breast Cancer Awareness webinar – DYDC 104.7 FM
EventsNews

VSU Usher, magpahigayon og Breast Cancer Awareness webinar

Agi’g pagsaulog sa Breast Cancer Awareness Month karong buwan sa Oktubre, ang Office of the Chief of University Services for Health, Emergency and Rescue kun OCUSHER magpahigayon og usa ka online seminar kun webinar. Kini nahimong posible sa pakigtambayayong sa Gender Resource Center (GRC) ning tunghaan.

Ang maong webinar nga gi-ulohang “Women’s Reproductive Health: Breast Cancer and Gynecological Cancers” ipahigayon karong umaabot Oktubre siyete ning tuiga adlaw’ng Huwebes sa alas dos ang takna sa hapon.

Mangulo isip resource person sa maong webinar mao si Dr. Nimfa Lim-Nuevas, usa ka Obstetric Gynaecologist ug Chairperson sa Department of Obstetrics and Gynaecology sa ACE Medical Center Tacloban.

Libre ang maong seminar ug abli sa publiko maong gi-awhag ang tanan nga magparehistro sa dili pa ang petsa sa webinar.

Ihatag ang Zoom Link ug details human masumiter ang registration forms. Ang maong webinar i-livestream usab sa Official Facebook Page sa USHER ug VSU alang sa uban nga dili makasalmot sa Zoom Meeting.

Sa dugang kasayuran ug sa link sa online registration, mamahimong mulike ug mu-follow sa Facebook Page sa USHER nga “VSU Usher”.