Balik skwela sa DepEd, sunod semana na!

Gitaho sa Department of Education niadtong miyerkules nga aduna na silay kapin baynte ka milyon nga enrollees alang sa school year 2021-2022 nga pagasugdan na sa sunod semana.

Angay masayran nga mikabat sa 26.22 milyon ka mga estudyante ang enrolled sa niaging tuig, diin unang gipahigayon ang alternative learning tungod sa coronavirus pandemic. Sa pag-abli sa bag-o’ng school year, setentay-says porsyento kun 76% sa niaging tuig ang naitala nga enrollees sa DepEd.

Basi sa quick count nga nadawat, gipangulohan sa Calabarzon ang pinaka daghang enrollees nga miabot sa 2.84 million ka mga estudyante. Gisundan kini sa Central Luzon nga adunay 2.05 million, National Capital Region 1.94 million og sa Rehiyon Otso adunay 1.27 million  enrollees.

Sa baynte ka million nga enrollees 14.47 milyon niini ang gikan sa public schools samtang dul-an 1.4 milyon ang gikan sa mga pribado nga tunghaan.

Sa laing bahin, ang Alternative Learning System o ALS nakatala usab og 170,545 ka mga enrollees o 28.45% sa 599,365 nga enrolled sa niaging tuig.

Suma sa taho ni Education Secretary, Nepomuceno Malaluan, ilang giawhag ang mga ginikanan nga dli na maghulat sa last day sa enrollment sa pag pasulod sa ilang mga anak. Nanghinaot gihapon ang Deped nga motaas pa ang numero sa enrollees sa umaabot nga adlaw hangtud sa Septembre 13 diin gitakda ang katapusang adlaw sa enrollment ug opisyal nga pagsugod sa klase.

Sarah Cinto-Daclizon, Kalambuan News.