Online Review Class alang sa Licensure Exam for Agriculturists, gitanyag sa VSU! – DYDC 104.7 FM
NewsNews

Online Review Class alang sa Licensure Exam for Agriculturists, gitanyag sa VSU!

Subling nagtanyag og online review class ang University Review Services kun URS dinhi sa Visayas State University (VSU) alang sa mga buot mukuhag Licensure Examination for Agriculturists kun LEA.

Ang online review class ipahigayon sa pagpakigtambayayong sa State Universities and Colleges and the Association of Colleges of Agriculture in the Philippines (SUC-ACAP) Inc.

Ipahigayon kini karong umaabot Agosto dise says hangtod Oktubre kinse dos mil baynte uno, sa alas otso hangtod sa alas 12 ang takna sa kaudtuhon.

Nasayran nga lakip sa mga matagamtaman sa mga mo-rehistro sa review class ang live lectures ug coaching, mock examinations ug pre-board examinations.

Giyahan usab sila sa pag-file og aplikasyon sa LEA ngadto sa Professional Regulation Commission (PRC).

Samtang, ang paghatud sa mga panudlo ug pagbansay o mode of delivery, ipatuman online pinaagi sa virtual classroom ug zoom alang sa live sessions.

Gitataw nga, i-rekord ang live sessions ug i-upload sa virtual classroom aron makita’g ma-rebyo lang gihapon sa estudyante ang klase.

Ang registration fee sa review class nagkantidad og kwatro mil ka pesos apan kung buot nga makakuha sa set sa printed materials, magdugang og dos mil kinyentos pesos.

Mahimong ipadala ang registration fee pinaagi sa mga musunod:

Savings Account Name : SUC-ACAP, Inc.
Savings Account Number : 3571-0133-97
Name of Bank and Branch : Land Bank of the Philippines – Baybay City Branch
Address of Bank: Baybay City, Leyte

Sa GCASH, Palawan Express Padala ug Cebuana Lhuiller, mahimong ipadala kang Christian Ulysses G. Cagasan sa numerong 0935-594-2910.

Nasayran nga hangtod sa katapusan karong buwan sa Agosto ang registration sa LEA online review dinhi sa VSU.

Alang sa dugang kasayuran, mahimong mo-email sa cce.urc@vsu.edu.ph o mo-contact sa facebook page niini, sa VSU University Review Services o motawag sa mga numerong 0916 170 7842 ug 0948 431 8617.

Perlyn Fernandez, Kalambuan News.