Mga kawani sa VSU, aduna nay tsansang mabakunahan kontra COVID-19!

Maayong balita alang sa mga trabahante dinhi sa Visayas State University (VSU) nga gusto nang magpabakuna kontra COVID-19.

Positibong gitubag sa Inter-Agency Task Force (IATF), City Health Office (CHO), ug Local Government Unit (LGU) Baybay ang hangyo sa VSU nga malakip ug mahimong priority sa mabakunahan kontra covid-19 ang mga kawani sa VSU.

Matod pa, magtakda og skedyul ang CHO sa pagpamakuna dinhi lagmit sa musunod nga semana.

Ang University Services for Health, Emergency, and Rescue (USHER) inubanan sa koponan gikan sa CHO ang magdumala sa pagpamukana dinhi nga ipahigayon didto sa Research, Development & Extension (RDE) Hall sa tunghaan.

Wala pay pihong petsa alng sa pagpamkuna dinhi apan sigon sa administrasyon sa VSU nga mohatag gilayon silag update kung makadawat nag pihong iskedyul gikan sa CHO.

Sa laing bahin, sa mga nahisakop sa A1 hangtod sa A4 nga andam nga magpabakuna sa mga gitanyag nga iskedyul sa dakbayan, gipahinumduman nga magbantay ug tumanaon gihapon ang mga safety and health protocols aron magpabiling luwas sa COVID-19.

Samtang mapasalamaton ang tunghaan sa maong positibong tubag gikan sa LGU, naghinaot usab ang mga nanguna sa VSU sa aktibong kooperasyon gikan sa mga empleyado sa VSU. 

Perlyn Fernandez, Kalambuan News.